.png)
Gazeta Si – Kundërshtari numër një i presidentit rus Vladimir Putin, Aleksei Navalni, tha se ai u vendos në një qeli “dënimi” pas përpjekjeve të tij për të krijuar një sindikatë në burgun ku po mbahet.
Ai aktualisht pritet të qëndrojë në izolim për tre ditë, por autoritetet e burgut kanë paralajmëruar se ai mund të “bëhet vendbanimi im i përhershëm”, nëse “e rishqyrtoj qëndrimin tim”.
Navalni po vuan një dënim me nëntë vjet burg në një institucion të rreptë penal pranë qytetit rus Vladimir, me akuza për përvetësim që ai dhe aleatët e tij thonë se janë të motivuara politikisht.
“Përshëndetje nga izolimi”, ka shkruar Navalni në rrjetet e tij sociale, duke thënë se është vendosur zyrtarisht në izolim për shkak të zbërthimit të butonit të sipërm të uniformës së tij.
Navalni, 46 vjeç, e përshkroi qelinë e tij si një “lukuni betoni” të vogël, ku është “shumë nxehtë” dhe “me pak ajër”.
“Ka vetëm një filxhan dhe një libër në qelinë time. Unë kam vetëm një lugë dhe një pjatë me ushqim”, tha ai.
“Nuk ka asnjë vizitë, asnjë letër, asnjë pako. Ky është i vetmi vend në burg ku pirja e duhanit është e ndaluar”, shtoi ai.
Javën e kaluar, Navalni njoftoi se ka krijuar një sindikatë në burg, ku punon duke qepur.
Ndërsa sindikata shënoi fitoren e parë – stolat e përdorura nga të burgosurit që punonin në makina qepëse u zëvendësuan me karrige – Navalni tha se mori paralajmërime nga administrata e burgut.
Kundërshtari i Putinit kishte vuajtur dy vjet e gjysmë për shkelje të lirimit me kusht me akuzën e mashtrimit, por në mars, dënimi i tij me burg u zgjat në nëntë vjet, pasi ai u shpall fajtor për shpërdorim të donacioneve nga organizatat e tij, politike dhe përbuzje të gjykatës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje