.png)
Gazeta Si – Tri medalje ari për Shqipërinë. I sjell nga Polonia peshëngritësi 17-vjeçar, Ertjan Kofsha, talenti i radhës i dalë nga shkolla e Shtërmenit dhe nga duart e trajnerit Leonard Toska.
Një paraqitje e jashtëzakonshme e peshëngritësit Ertjan Kofsha në Europianin për të rinj, U-15 dhe U-17, që po zhvillohet në Raszyn të Polonisë.
Kofsha garoi në peshën 89 kg. Ai ngriti 145 kilogramë në stilin e shkëputjes dhe 168 kilogramë në stilin e shtytjes. Në dygarësh ngriti 308 kilogramë, duke marrë kështu tri medalje të arta.
17-vjeçari Kofsha është e ardhmja e shtangës kuqezi. Shqipërisë padiskutim do t’i vijnë medalje të tjera nga ky sportist i jashtëzakonshëm.
Pak ditë më parë në këtë aktivitet ishte shtangistja Enkileda Carja, e cila fitoi tri medalje bronzi për Shqipërinë. Në total, Kombëtarja jonë ka fituar 6 medalje në Europianin e të rinjve në Poloni.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje