.png)
Gazeta Si – Presidenti amerikan Joe Biden nënshkroi mbrëmjen e të martës Aktin e Reduktimit të Inflacionit, një grant federal prej 750 miliardë dollarësh për të mbështetur ekonominë dhe konsumin familjar.
Një shpenzim publik që ka si nxitje vendosjen e një norme tatimore për fitimin ndaj të gjitha kompanive e mëdha, të barabartë me 15%.
“Një vend mund të transformohet”, tha kreu i Shtëpisë së Bardhë kur vendosi firmën e tij në dokument.
Senati i dha dritën jeshile kësaj mase të mbështetjes sociale të dielën, dy ditë para firmës së Bidenit.
Ndërhyrja presidenciale vjen në një kohë kur sinjale të përziera po vijnë nga ekonomia amerikane.
Në vrojtimin e korrikut, inflacioni shënoi + 8.5% në bazë vjetore, më i larti që nga viti 1981, por në të njëjtën kohë më i ulët se parashikimet.
Prodhimi industrial ngadalësohet, por nga ana tjetër papunësia ra në 3.5% falë edhe 552,000 vendeve të reja të punës të numëruara në korrik.
Në çdo rast, Shtëpia e Bardhë donte të fuste një “mburojë” sociale të aftë për të strehuar familjet dhe bizneset në rast se situata përkeqësohet për shkak të luftës në Ukrainë dhe tensioneve që kanë lindur me Kinën.
750 miliardë të “aktit të reduktimit të inflacionit”, i shtohen 1800 të akorduara që nga shpërthimi i pandemisë.
Plani i ri i mbështetjes është veçanërisht i orientuar drejt forcimit të sistemit shëndetësor dhe luftës ndaj ndryshimeve klimatike. Paketa përfshin investimin më të madh të bërë ndonjëherë në SHBA për klimën: 370 miliardë dollarë për të reduktuar emetimet e gazeve serrë me 40% deri në vitin 2030.
Një pjesë tjetër e rëndësishme e këtij plani të madh investimi, është qëllimi për të korrigjuar pabarazitë në aksesin ndaj kujdesit mjekësor në SHBA, në veçanti duke ulur çmimin e barnave.
Për financimin e këtyre investimeve, reforma parashikon miratimin e një norme minimale prej 15% për të gjitha kompanitë, fitimet e të cilave kalojnë një miliard dollarë: kjo masë pritet të gjenerojë të ardhura mbi 258 miliardë dollarë për shtetin federal në 10 vitet e ardhshme.
“Ky është një nga ligjet më domethënëse në historinë tonë”, – tha Biden i pritur nga testi ndalues elektoral i zgjedhjeve afatmesme.
“Ka të bëjë me të ardhmen tonë, për të sjellë përparim dhe prosperitet për familjet amerikane, për t’i treguar Amerikës dhe popullit amerikan se demokracia ende funksionon në Shtetet e Bashkuara”, – shtoi ai.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje