.png)
Nga Gazeta Si – Dy anije luftarake amerikane, USS Antietam dhe USS Chancellorsville kaluan nëpër ngushticën e Tajvanit. Lajmi është bërë e ditur nga Marina e Shteteve të Bashkuara.
Kjo është hera e parë që ndodh nga manovrat e paprecedenta ushtarake të Kinës pranë ishullit. “Kjo dëshmon përkushtimin e Shteteve të Bashkuara për një rajon të lirë dhe të hapur në Indo-Paqësor”, – thuhet në një njoftim për shtyp të marinës amerikane.
Dy kryqëzorët amerikanë po bëjnë një tranzit rutinë siç raportohet nga Flota e Shtatë e SHBA. Anijet “kaluan një korridor në ngushticën që shtrihet përtej detit territorial të çdo shteti bregdetar”, thuhet në deklaratë.
Ndërkohë Forcat e Armatosura kineze janë në gatishmëri “për të ndalur çdo provokim”. Kështu ka shkruar agjencia ruse Ria Novosti, duke cituar zëdhënësin e Komandës së Ushtrisë Çlirimtare Popullore Kineze, Shi Yi.
“Kryqëzorët e marinës amerikane Chancellorsville dhe Antietam kaluan ngushticën e Tajvanit më 28 gusht, duke tërhequr vëmendjen e gjerë.
Komanda jonë shoqëroi kryqëzorët amerikanë dhe ushtroi kontroll të plotë mbi operacionet e tyre.
Komandantët e njësive janë në gatishmëri të lartë për të ndaluar çdo provokim në kohën e duhur”, tha zëdhënësi i ushtrisë kineze.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje