.png)
Nga Gazeta ‘SI ‘ – Presidenti i Republikës, Bajram Begaj, i ka kërkuar deputetëve të Kuvendit që të kenë në fokus të tyre dialogun politik dhe gjithëpërfshirjen politike, sepse mungesa e tyre do t’i kushtojë vendit.
Presidenti Begaj i është drejtuar deputetëve me një mesazh, para nisjes së sezonit të ri paralamentar, duke thënë se çelja e negociatave imponon përgjegjësi dhe seriozitet tek ata.
“Dialogu politik, gjithëpërfshirja dhe konsensusi duhet të jenë lajtmotivi i punës parlamentare, sepse vendi nuk mund të paguajë koston e mungesës së tyre. Të gjithë ne kemi detyrimin dhe përgjegjësinë të ofrojmë bashkëpunim konstruktiv dhe dialog të qëndrueshëm”, – shprehet presidenti i vendit teksa bën thirrje edhe për afrimin e legjislacionit shqiptar me atë të BE-së.
“Korrupsioni frenon zhvillimin ekonomik dhe vret shpresën për një të ardhme më të mirë. Modeli i zyrtarit duhet të jetë ai i llogaridhënies, i respektimit të ndarjes së pushteteve, i respektimit të ligjit dhe përmbushjes së përgjegjësisë publike. Ne kemi detyrimin të mbështesim zbatimin e reformës në drejtësi, punën dhe rolin e çdo aktori institucional në ushtrimin e detyrave të tyre në luftën kundër korrupsionit për forcimin e besimit qytetar tek institucionet e drejtësisë”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje