.png)
Enkelejd Alibeaj dhe Taulant Balla zhvilluan takime të veçanta me ambasadoren amerikane, Yuri Kim, të premten në kryesinë e Kuvendit.
Secili prej tyre postoi në Facebook temat e diskutimit., ku vëmendja ishte e ndryshme.
“Nisja e sezonit të ri parlamentar dhe sfidat e reja gjatë kësaj periudhe ishin në qendër të bisedës. Disa nga çështjet kryesore ishin përmirësimi i legjislacionit në fuqi, reforma administrative – territoriale dhe ecuria e Grupit Parlamentar të PD-së.
E falenderova zonjën Kim për mbështetjen që SHBA i ka dhënë Shqipërisë në përballjen me sulmin kibernetik të Iranit.
E sigurova se PD i është mirënjohëse ShBA-ve që përgjatë gjithë historisë së re dhe të vjetër të vendit tonë, ka patur mbështetjen e vazhdueshme të Amerikës!”, komentoi Alibeaj, i cili nuik përmendi debatin e ditës që lidhet me financimet ruse për të cilat akuzohet ish-kryetari i PD-së, Lulzim Basha, në krah të të cilit është rreshtuar prej kohësh edhe Alibeaj.
Ndërsa Taulant Balla e përmendi si debat kur siguroi përmes një komenti në Facebook se bashkëpunimi me SHBA do të vijojë “edhe në përmirësimin e kuadrit ligjor për financimin e partive politike dhe fushatave zgjedhore”.
“Rusia është e përfshirë prej kohësh në sulmet ndaj demokracisë në shumë vende përmes financimit të partive politike dhe aktorëve të tjerë. Kujtoj se Kuvendi i Shqipërisë ka miratuar në dhjetor 2019 një Rezolutë “Për ndërhyrjet e huaja në proceset zgjedhore dhe dezinformimin në proceset demokratike kombëtare”, duke i’u referuar pikërisht këtyre kërcënimeve dhe duke u kërkuar institucioneve marrjen e të gjitha masave mbrojtëse dhe parandaluese”, shkruan Balla.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje