.png)
Pak kohë më parë, Kryetari i Partisë së Lirisë, Ilir Meta, protestoi tek inceneratori i Tiranës duke e cilësuar si vend krimi.
Vëmendja e tij politike është fokusuar tek Tirana ku Partia e Lirisë publikon thuajse çdo dite video denoncimesh nga media dhe strukturat e saj për cilësinë e punëve publike në kryeqytet.
Një “luftë” politike që duket se është reciproke.
Ish-kryetarja e LSI-së, Monika Kryemadhi tha në “Opinion” të enjten e kaluar se pas denoncimeve në SPAK për Ilir Metën dhe atë qëndron Erion Veliaj.
Së fundmi, Sekretari i Përgjithshëm i PL-së, Tedi Blushi ka publikuar një video krahasuese në dy vjet se çfarë ka ndodhur në një nga zonat më të gjelbëruara të Tiranës.
“Betonizimi dhe zhdukja e gjelbërimit është një nga krimet më të shëmtuara që Edi Rama dhe Erion Veliaj kanë bërë ndaj Tiranës.
Këto pamje të filmuara nga i njëjti kënd, por në dy kohë të ndryshme (maj 2020 dhe shtator 2022) tregojnë qartë se çfarë barbarie ka ndodhur me gjelbërimin prapa ish-Sheratonit nga Rilindja, kjo armike e gjelbërimit dhe e mjedisit.
Masakra e Parkut të Liqenit Artificial është vetëm një provë se si Rama dhe Veliaj kanë mbushur xhepat me paratë e betonit duke bërë trafik me mushkëritë e banorëve të kryeqytetit.
Shkatërrimi i hapësirave publike nëpërmjet babëzisë, paligjshmërisë dhe korrupsionit është i vetmi mision që Rilindja ka për Tiranën…”, shkruan Blushi në faqen e tij Facebook, duke e shoqeruar edhe me nje video
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje