.png)
Enkelejd Alibeaj dhe Gazment Bardhi janë ftuar në një vizitë zyrtare në Berlin ku patën diskutime me deputetin e CDU/CSU në Bundestag Gunther Krichbaum.
“Sëbashku me Enkelejd Alibeaj në një diskutim miqësor në Berlin me @GuntherKrichbaun mbi përmbushjen e reformave integruese të vendit, luftën ndaj korrupsionit dhe nevojën për të forcuar PD si alternativë qeverisëse. Partneriteti i PD me BE dhe veçanërisht grupin parlamentar të CDU/CSU në Bundestag është e vetmja rrugë e sigurtë drejt të ardhmes europiane të vendit”, shkruan Bardhi në Twitter.
Kjo është vizita e parë zyrtare e grupit parlamentar të PD-së jashtë vendit me saktë e asaj pjese që nuk i është bashkuar Rithemelimit dhe strukturave të ngritura nga Sali Berisha.
1/2. Sëbashku me kryetarin e GPPD @Enkelejd Alibeaj në një diskutim miqësor në Berlin me @GuntherKrichba3 mbi përmbushjen e reformave integruese të vendit, luftën ndaj korrupsionit dhe nevojën për të forcuar @pdshqiperi si alternativë qeverisëse. pic.twitter.com/2bFiXBndJV
— Gazment Bardhi (@GazmentBardhi) September 28, 2022
Pak kohë më parë, deputeti kristiandemokrat në Parlamentin Gjerman, Gunther Krichbaum, folës i grupit parlamentar CDU/CSU për çështje të Bashkimit Evropian u shpreh se ai do të vijonte të mbështeste PD-në, por vetëm nëse kjo e fundit nuk do të kishte kthim pas, duke nënkuptuar nëse PD do të drejtohej nga Sali Berisha.
“Nëse nuk do të jetë kështu, por do të ketë kthim në të djeshmen, në mos të pardjeshmen, atëherë kjo nuk mund të gjejë mbështetjen time personale. Në një rast të tillë, unë do të angazhohesha që të pezulloheshin procedurat për anëtarësim në nivel të Partisë Popullore Evropiane. Sepse ne, si parti Parti Popullore Evropiane duhet të ecim përpara…”, u shpreh ai pak muaj më parë
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje