Tritoli, robotët, anijet (dhe fajtorët). Hipotezat mbi sabotimin e gazsjellësit ‘Nord Stream’

Gazeta Si – Kjo është intriga e madhe e Baltikut: sabotimi i dy linjave të gazsjellësit Rusi-Gjermani që ndodhi në fund të shtatorit. Tashmë kanë kaluar disa ditë dhe e vetmja siguri janë pyetjet.

Deti i ruan sekretet tani për tani, duke lënë vend për spekulime pa mundur të japë një përgjigje të saktë. Duhet kohë. Në fund të fundit, goditjet si kjo janë perfekte për t’u “mohuar” nga ata që i kanë bërë.

Shpërthimet

Tubacionet – vetëm një funksional, por të dy plot me gaz – u vunë jashtë përdorimit nga shpërthimet në jug të ishullit danez të Bornholm, në ujërat ndërkombëtare. Fillimisht ishte Nord Stream 2, pastaj Nord Stream 1, me një interval prej rreth 17 orësh.

Katër rrjedhje me një humbje të mëvonshme të presionit në një thellësi prej 70-90 metrash. Incidentet janë regjistruara nga sizmografët suedezë dhe aparatet mbrojtëse të vendeve të rajonit, tashmë të alarmuara nga tensionet e lidhura me konfliktin në Ukrainë.

Skautët lëshuan imazhe të derdhjes, një rreth i bardhë në sipërfaqe për të dokumentuar atë që po ndodhte.

Ngarkesa të fuqishme

Fatkeqësia shkaktoi habi, hutim dhe polemika. Kërkesa për hetim nisi unanimisht dhe ndërkohë filluan teoritë.

Danezët, suedezët dhe gjermanët bien dakord për një detaj: u përdorën ngarkesa shumë të fuqishme, sipas qarqeve të inteligjencës rreth 500 kilogramë eksploziv. Ata nuk donin gabime, goditja duhej të ishte e fuqishme.

Gazeta “The Guardian” shtoi mendimin e disa zyrtarëve: ndoshta “kurthet” janë futur duke përdorur dron për mbështetje.

Burimet besojnë se këto aspekte janë konfirmimi i një veprimi të kryer nga profesionistë, persona që i përkasin një shteti, personel të trajnuar për të vepruar dhe me burime të përshtatshme teknologjike.

Hipoteza

H.I. Sutton, një nga ekspertët më të mirë, ka propozuar skenarë që pasqyrojnë zërat e fundit.

Le të shohim: bombat ishin vendosur shumë përpara nga dronët nënujorë; i kanë futur gjatë fazës së ndërtimit; ka pasur përdorimin e “gadgets” të inspektimit, të njohura si “PIGS”, të cilat minonin tubat nga brenda; ndërhyrja klasike, ajo e kryer nga një anije e pajisur me pajisje për aktivitete në fund.

Sigurisht, u konsiderua edhe inkursioni i një nëndetëseje (dhe forcave të zgjedhura) ose një varke speciale. Dronët kanë nevojë për një mjet mbështetës, ku mund të përdoret një anije ushtarake ose një “civil” që fsheh atë që nevojitet në bord.

Nuk mungojnë flotat e shumë vendeve, të maskuara si njësi “kërkimore shkencore”, si “rimorkiatorë në det të hapur” të pajisura për të kryer ndërhyrje në thellësi. Jo rrallë ata kryejnë “lundrime” larg bazave të tyre përkatëse. Është pjesë e sfidës globale.

Akuzat

Kampi i NATO-s vazhdon të dyshojë për Rusinë, edhe pse akuzat nuk bëhen në mënyrë homogjene dhe pret të ketë më shumë informacion pasi të zbulohet ndonjë provë.

Ndërsa dyshohet edhe një ndërthurje informacionesh për praninë e Marinës Ruse, mbi rreziqet e infiltrimit, mbi frikën e një lufte të ashpër me infrastrukturat strategjike që janë kthyer në objektiva.

Rusia – argumenton një analist – mund të ketë vendosur për sabotim për të lëshuar një mesazh parandalimi, për të shmangur pagesën e kompensimit për mungesën e furnizimeve, për të rritur nivelin e tensionit.

Por kjo “listë” nuk përjashton edhe fajtorët e tjerë. U përmendën polakët, ukrainasit dhe amerikanët.

Moska përgjigjet duke vënë në pikëpyetje SHBA-në dhe aleatët e saj. Ishin “anglo-saksonët”, tha Vladimir Putin në rolin e “Yllit të ri” kundër të gjithëve.

Dhe pak orë më parë kreu i shërbimeve të tij secrete, kishte folur për një akt terrorizmi që duhet t’i atribuohej armikut perëndimor, një siguri e lidhur me materialin e mbledhur nga inteligjenca. Dëshmi të cilat, megjithatë, ai nuk i ka paraqitur.

Nikolai Patrushev, sekretari i Këshillit të Sigurimit dhe njeriu kyç në hierarkinë e Moskës, është më i matur: “Nuk kemi të dhëna për përfshirjen e Perëndimit, por e dimë se ata e kanë bërë këtë në të kaluarën. Me kalimin e kohës do ta provojmë edhe këtë”.

Mjedisi

Qeveritë në rajon gjithashtu duhet të shqetësohen për efektet anësore të mundshme. Agjencia finlandeze e mjedisit ka raportuar se rrjedhja e parë e gazit ka ndodhur në një zonë ku dyshohet se ka një depo të armëve kimike.

Për momentin nuk është raportuar ndonjë rrezik. Operatori i Nord Stream 2 ka njoftuar se rrjedhja e gazit ka mbaruar falë presionit të ujit.