.png)
Gazeta Si – Polonia po përgatitet t’i paraqesë Gjermanisë “llogarinë” e dëmeve të pësuara gjatë pushtimit nga nazistët gjatë Luftës së Dytë Botërore.
Kërkesa do të bëhet këtë të martë – 4 tetor – me rastin e një samiti midis ministrave të Jashtëm të Varshavës dhe Berlinit.
Mbi të gjitha, po bën bujë shuma e vlerës së kërkuar nga polakët: 1300 miliardë euro, rezultat i një përllogaritjeje të bërë nga një komision parlamentar.
Një shifër që gjermanët do ta kundërshtojnë – siç e kanë bërë tashmë në rrethana të tjera – duke pretenduar se një sërë traktatesh ndërkombëtare të nënshkruara në 70 vitet e fundit do të kishin vendosur një gur varri për çdo pretendim që lidhet me dëmet e luftës.
Polonia, përmes ministrit të saj të jashtëm Zbignieë Rau, nënshkroi një notë diplomatike që përshkruante kërkesën.
“Palët duhet të marrin masa të menjëhershme për të zgjidhur në mënyrë të përhershme dhe efektive … çështjen e pasojave të agresionit dhe pushtimit gjerman”, – tha Rau në një konferencë shtypi në Varshavë.
“Një marrëveshje e tillë do të na lejonte të bazojmë marrëdhëniet polako-gjermane mbi drejtësinë dhe të vërtetën dhe të mbyllim kapituj të dhimbshëm të historisë”.
Letra do të dorëzohet me rastin e festimeve për unitetin gjerman në Varshavë në prani të ministres së Jashtme gjermane, Annalena Baerbock.
Shifra prej 1300 miliardë eurosh, sipas komisionit parlamentar polak, merr parasysh dëmet e pësuara nga bombardimet, humbjen e jetëve njerëzore, sovranitetin politik dhe integritetin territorial të nazistëve mes viteve 1939 dhe 1945.
“Kjo është një kërkesë e kujdesshme”, tha Jaroslaë Kachinski, kreu i Partisë Sovrane, Pis, në pushtet në Poloni.
Vendi numëroi rreth 6 milionë të vdekur në atë periudhë pesëvjeçare dhe kryeqyteti u rrafshua, por shuma e kërkuar është megjithatë monstruoze.
Përgjigja e Gjermanisë ndaj notës diplomatike nuk ka mbërritur ende, por Berlini ka kohë që ka sqaruar qëndrimin e tij për çështjen e mprehtë.
Një traktat i nënshkruar nga Polonia në vitin 1953, hoqi dorë nga çdo pretendim, një dëshirë e rikonfirmuar në vitin 1990 kur, pas ribashkimit të Gjermanisë, kufijtë midis dy shteteve u vendosën përfundimisht.
Por, këtu është argumenti që shërben si pikëmbështetje për polakët, shtrirja e vitit 1953 u pranua prej tyre me pushkën e drejtuar nga shpina, “nga BRSS, e cila nuk donte të vinte në vështirësi RDGJ-në e atëhershme”.
Pavarësisht traktateve ndërkombëtare, kohës që ka kaluar dhe pavarësisht 70 viteve të paqes së garantuar nga BE, plagët e lëna nga konflikti i fundit botëror, ndihen përsëri periodikisht me dhimbje.
Në vitin 2019, ishte radha e Greqisë – e cila po përjetonte vitet e masave shtrënguese të imponuara me nxitjen e Gjermanisë – të bënte një kërkesë për dëmshpërblim për dëmet e luftës.
Qeveria e Athinës llogariti 289 miliardë euro për këtë rast. Gjithashtu, në atë rrethanë Berlini iu drejtua traktateve të mëparshme që e kishin mbyllur lojën, veçanërisht atë të vitit 1960, pikërisht midis qeverisë gjermane dhe asaj helene.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje