Kurorëzimi i mbretit Charles III do të bëhet më 6 maj

Kurorëzimi i mbretit Charles III do të bëhet më 6 maj të vitit të ardhshëm në Westminster Abbey në Londër, njoftoi të martën Pallati Buckingham.

Kryepeshkopi i Canterbury Justin Welby do të drejtojë ceremoninë. Gjatë ngjarjes, Mbreti do të “bekohet dhe shenjtërohet” nga Kryepeshkopi i Canterbury.

Ceremonia ka ruajtur një strukturë të ngjashme për më shumë se një mijë vjet dhe kurorëzimi i vitit të ardhshëm pritet të përfshijë të njëjtat elementë thelbësorë.

Charles, 73 vjeç, u bë monark i Britanisë muajin e kaluar pas vdekjes së nënës së tij, Mbretëreshës Elizabeth II.

Disa ditë pas vdekjes së saj, Charles u konfirmua zyrtarisht si Mbreti i ri i Mbretërisë së Bashkuar në një ceremoni në Pallatin Mbretëror.

Megjithatë, kurorëzimi i tij është planifikuar për vitin e ardhshëm për të lejuar një periudhë të përshtatshme kohore për të mbajtur zi për sovranen e mëparshme dhe për të planifikuar ceremoninë.

Pallati nuk ka zbuluar detaje specifike rreth kurorëzimit.

Më vonë këtë vit, ai pritet të nënshkruajë një shpallje që deklaron zyrtarisht datën e kurorëzimit në një takim të Këshillit Privy, i cili është një panel këshilltarësh mbretërorë./CNN/

---

Copyright © Gazeta “Si”

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.

---