.png)
Gazeta Si – Në Kinë, presidenti Xi Jinping mbylli punimet e Kongresit të 20-të Kombëtar të Partisë Komuniste të Kinës (PKK) pas miratimit të një amendamenti për ndryshimin e kushtetutës së partisë.
Notat e Internazionales, të luajtura nga banda ushtarake, i paraprinë përfundimit zyrtar të punimeve. Falë ndryshimit të Kushtetutës së Partisë, Xi Jinping largohet nga kongresi me akoma më shumë kompetenca.
Partia Komuniste e Kinës ka ndryshuar Kushtetutën e saj, duke konsoliduar statusin e Xi-së si “bërthamë” të partisë.
Kjo është rezultat i miratimit të sotëm të një amendamenti nga Kongresi i XX Kombëtar, duke përfshirë të ashtuquajturat “masat mbrojtëse”.
Sipas deklaratës përfundimtare të lëshuar, këto janë masa që synojnë çimentimin e statusit qendror të Xi-së dhe rolin udhëheqës të mendimit të tij politik brenda partisë.
Katër nga shtatë anëtarët aktualë të Komitetit të Përhershëm të Byrosë Politike në largim, janë përjashtuar nga Komiteti i ri Qendror i Partisë Komuniste Kineze: këta janë Kryeministri Keqiang, Li Zhanshu, Han Zheng dhe Wang Yang, të konsideruar si kandidatë të mundshëm për të marrë postin e kryeministrit në pesëvjeçarin e ri.
Kjo mund të mësohet duke u konsultuar me listën e mbi 200 anëtarëve efektivë të Komitetit, të zgjedhur nga Kongresi i 20-të, të postuar në llogarinë Weibo (Twitter kinez) të së përditshmes Gazeta e Popullit.
Partia Komuniste Kineze ka përfshirë kundërshtimin e saj të fortë ndaj pavarësisë së Tajvanit në Kartën e saj Themelore.
Kongresi “pajtohet të përfshijë deklarata të ndryshme në kushtetutën e partisë”, duke përfshirë ato për besnikërinë politike dhe ushtarake dhe për ndërtimin e forcave të armatosura të klasit botëror, si dhe “opozitën e vendosur për të dekurajuar separatistët që kërkojnë pavarësinë e Tajvanit”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje