.png)
Gazeta Si – Rishi Sunak është kryeministri i ri britanik. Ish-ministri 42-vjeçar i Financave bëhet kreu i Partisë Konservatore dhe pason në këtë detyrë Lis Truss, e cila dha dorëheqjen pak ditë më parë.
Sunak bëhet kështu shefi i parë i Downing Street, i pari me origjinë indiane dhe besim hindu, duke sfiduar dhe Penny Mordaunt, rivalja e vetme që ishte ende në garë.
Kryetari i Komitetit, Graham Brady konfirmoi se udhëheqësi i ri i konservatorëve Rishi Sunak do t’u drejtohet deputetëve në një fjalim pasditen e kësaj të hëne.
Sunak u bë i njohur për publikun britanik kur ishte 39 vjeç, pasi Johnson e emëroi ministër të Financave, në periudhën kur Britania regjistroi rastet e para me koronavirus.
Deputetët që dikur mbështetën Boris Johnson kanë dalë hapur në mbështetje të Rishi Sunak, i cili humbi në muajin shtator përballë kryeministres në detyrë Liz Truss.
Sunak do të jetë të jetë kryeministri i dytë në shtatë javë, duke dëmtuar seriozisht reputacionin e Partisë Konservatore.
Megjithatë fituesi i zgjedhjeve aktuale do të përballet me një duzinë me probleme që penalizuan gjithashtu Liz Truss.
Kryesisht përçarja në parti, çmimet stratosferike, financat e zymta publike dhe opozitën, e cila thotë se Konservatorët nuk kanë legjitimitet elektoral.
Një ngjarje historike në fakt, sepse është hera e parë e një kryeministri me origjinë indiane, bir emigrantësh dhe i përkushtuar ndaj fesë hindu.
Sunak shihet si një strehë e sigurt për të nxjerrë Britaninë nga kaosi në të cilin është futur: ai kishte qenë sfiduesi i Liz Truss gjatë verës dhe kishte paralajmëruar për efektet katastrofike të një uljeje taksash të nxituar, e cila ndodhi në kohë.
Emërimi i Sunak do të jetë një sinjal qetësues për tregjet financiare, të cilat e kishin vënë Londrën në pikëpyetje pas manovrës së pamatur fiskale të Truss.
Por Sunak mbetet një personazh i diskutueshëm, i parë si një plutokrat larg ndjenjës së njerëzve: pas një karriere yjore në financat e larta, ai jeton në një rezidencë të pabesueshme të rrethuar nga një liqen privat, i cili i ka dhënë pseudonimin “maharajah i Yorkshire”.
Ai është i martuar me një trashëgimtare shumë të pasur indiane, e cila, siç doli, nuk paguante taksa në Britani falë një sistemi (ligjor) të shmangies së taksave: pasuria e tyre vlerësohet në rreth 800 milionë paund, që është dyfishi i mbretit Charles dhe gruas së tij Camilla. Shumë i pasur për të qenë kryeministër, pyeti dikush?
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje