.png)
Enkelejd Alibeaj do t’i kthehet sot detyrës së tij “të vjetër”. Si kryetar i komanduar i Lulzim Bashës ai ka njoftuar të mërkurën në mbrëmje mbledhjen e kryesisë “së vjetër” (në kohën e Bashës), jo në selinë e PD-së ku janë ngritur struktura të reja, por në ambientet e degës numër 7, aty ku çelësat i mban ende ai.
Njoftimi i shpërndarë të martën në mbrëmje përcaktonte rend dite: Diskutime dhe vendimmarrje mbi qëndrimin e Grupit Parlamentar të PD.
Enkelejd Alibeaj nuk njoftoi se sa ishin deputetët që përcollën qëndrimin e dështimit të negociatave me pjesën tjetër në PD.
Kreshnik Çollaku tha në një interviste televizive se ishin 17 deputetë. Grupi parlamentar ka gjithsej 52 deputetë.
Ajo që mori vëmendje në deklarimet e mëvonshme të së martës ishte thirrja nga pala e Berishës për të mos dalë me kandidatë të veçantë këto zgjedhje, një mundësi që e la të kuptohej njoftimi i përcjellë nga grupi “Alibeaj”.
“Refuzimi i vazhdueshëm i çdo propozimi të bërë nga ana jonë, përfshirë propozimin final të paraqitur edhe me shkrim, është tregues i mungesës së sinqeritetit dhe vullnetit për të gjetur zgjidhje…
Nisur nga kjo situatë, Grupi Parlamentar i Partisë Demokratike ka kërkuar të informohet Kryesia e Partisë Demokratike, për t’i hapur rrugë krijimit të të gjitha kushteve për përgatitjen dhe pjesëmarrjen e Partisë Demokratike në zgjedhjet e ardhshme vendore”, thuhet ndër reshta në vendimin e grupit “Alibeaj”, ku ajo që merr rëndësi është pikërisht fjalia e fundit “përgatitja dhe pjesëmarrja e PD në zgjedhjet vendore”
Kryesia “Basha”
Por kush janë anëtarët e kryesisë që do të mblidhen të mërkurën në mbrëmje?
(Lulzim Basha nuk është sa kohë ka dhënë dorëheqjen si kryetar)
Enkelejd Alibeaj si kryetar i komanduar, Gazment Bardhi si Sekretar i Përgjithshëm, Jorida Tabaku nënkryetare, Grida Duma nënkryetare (por e dorëhequr), Agron Gjekmarkaj nënkryetar (i dorëhequr) Arta Sakja si kryetare e Këshillit Kombëtar, më pas vijojmë me sekretarët Flutura Açka, Jemin Gjana, Flamur Hoxha, Jonila Godole, Greta Bardeli, Taulant Zeneli, Orjela Nebiaj, Endri Hasa, Indrit Sefa, Kreshnik Çollaku, Roland Bejko, Gentian Gaba, të kooptuar sipas statutit në kryesi.
Anëtarët e zgjedhur me votë të kryesisë janë: Agron Kapllanaj, Dhurata Tyli (Çupi), Ervin Salianji, Fitim Zekthi, Gazmend Koduzi, Gert Bogdani, Helidon Bushati, Juela Hamati, Lindita Metaliaj, Orjola Pampuri, Taulanda Jupi, Tomor Alizoti, Xhemal Gjunkshi dhe Xhelal Mziu.
Surprizat e emrave
Pak ditë më parë, Gerti Bogdani shpalli nga selia blu garën për Tiranën. Ai prezantoi kandidaturën e tij në procesin e primareve iniciuar nga PD-ja
Gerti Bogdani është aktualisht anëtar i kryesisë së “Bashës”, por jo i kryesisë së “Berishës”.
Ndaj dhe pjesëmarrja e tij në mbledhjen e thirrur nga “Alibeaj” merr rëndësi
Ashtu siç merr rëndësi pjesëmarrja edhe për kryetaren e Këshillit Kombëtar në kohën e Bashës, Arta Sakja.
Vëllai i saj, Isa Sakja ka shpallur kandidaturën për një mandat të dytë në krye të bashkisë së Kavajës. Ai nuk zyrtarizoi emrin si pjesë e procesit të primareve, por pjesëmarrja e tij në garë sigurisht që do të kërkojë vota më gjerë mes demokratësh
Për të vijuar me të tjerë emra. Grida Duma është “me letra” anëtare e kryesisë. Por publikisht ajo ka dhënë doreheqjen si nënkryetare dhe parimisht sipas statutit i bie të mos marrë pjesë. Prej kohësh ajo është distancuar si nga Basha ashtu edhe nga Berisha duke mbajtur një qëndrim asnjanës.
Për të vijuar me Ervin Salianjin edhe ai i distancuar nga të dyja palët.
E lëkundur në disa qëndrime të publikuara në emër të grupit “Alibeaj” është shfaqur edhe Greta Bardeli.
Ndërkohë në kryesinë e Bashës ka emra që i janë bashkuar zyrtarisht grupit parlamentar të PD-së së thirrur nga Sali Berisha.
Ata janë: Lindita Metaliaj, Tomor Alizoti, Xhelal Mziu dhe Ina Zhupa e cila më herët ka qenë zëdhënëse e PD kur drejtohej nga Lulzim Basha.
Në përbërjen e kësaj kryesie ka emra anëtarësh që janë katapultuar drejtpërdrejtë nga Lulzim Basha, kryesisht tek përbërja e sekretarëve, ndonjë i hatërmbetur si Agron Kapllanaj, por edhe emra që kanë ‘hesape’ të drejtpërdrejta me Sali Berishën si Roland Bejko.
Ndaj dhe çdo emër në thelb sot, përpos asaj që shihet publikisht, merr rëndësi për të kuptuar klanet e mëvoshme në PD dhe mbi të gjitha fatin e saj këto zgjedhje / N.P
Kryesia “Alibeaj’
Kryetar i komanduar
Enkelejd Alibeaj
Sekretar i Përgjithshëm
Gazment Bardhi
Nënkryetar
Agron Gjekmarkaj (i dorëhequr)
Jorida Tabaku
Grida Duma (e dorëhequr, e papozicionuar)
Kryetare e Këshillit Kombëtar
Arta Sakja (Vellai i saj Isa Sakja shpall kandidaturën për Kavajën )
Kryetar i Komisionit të Apelimit
Flutura Açka
Kryetar i Komisionit Zgjedhor
Jemin Gjana
Sekretar Organizativ
Flamur Hoxha
Sekretare për të Përndjekurit
Jonila Godole
Sekretare për Marrëdhëniet me Publikun
Greta Bardeli (E lëkundur me qëndrimet e fundit)
Sekretar i Koordinimit Zgjedhor
Taulant Zeneli
Sekretar për Organizatat Partnere
Orjela Nebiaj
Sekretar për Organizimin Dixhital
Endri Hasa
Sekretar për Zgjedhjet
Indrit Sefa
Sekretar për Diasporën
Kreshnik Çollaku
Sekretar për Pushtetin Vendor
Roland Bejko
Sekretar me Jashtë
Gentian Gaba
Zëdhënës
Ina Zhupa (bashkuar me grupin e Berishës)
Anëtarë të zgjedhur
Agron Kapllanaj
Dhurata Tyli (Çupi)
Ervin Salianji (i papozicionuar)
Fitim Zekthi
Gazmend Koduzi
Gert Bogdani (shpall kandidaturën në primaret e Berishës)
Helidon Bushati
Juela Hamati
Lindita Metaliaj (i bashkohet grupit Berisha)
Orjola Pampuri
Taulanda Jupi
Tomor Alizoti (i bashkohet grupit Berisha)
Xhemal Gjunkshi
Xhelal Mziu (i bashkohet grupit Berisha)
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje