.png)
Seanca në gjykatën e Apelit ku do të shqyrtohej ankimimi i Partisë Demokratike, për të regjistruar ndryshimet statutore të Kuvendit të 17 korrikut 2021 (thirrur nga Lulzim Basha), është shtyrë për datën 10 nëntor.
Shkak për shtyrjen është bërë mungesa e avokatit të grupimit ‘Alibeaj” Indrit Sefa, i cili raportohet se ka munguar për arsye shëndetësore.
Seanca e radhës do të mbahet me 10 nëntor ora 9.30.
Grupimi “Alibeaj” thekson në akimimin e saj se Gjykata duhet të regjistrojë edhe ndryshimet në Statutin e Kuvendit të 18 dhjetorit, duke i bashkëngjitur ato të korrikut të po atij viti.
“Kërkojmë pasqyrimin e ndryshimeve te Statutit të Partisë Demokratike të Shqipërisë të kryera në Kuvendin Kombëtar të datës 18.12.2021”- thuhet në ankimimin e PD-së.
Një ndër vendimet e Kuvendit të 18 dhjetorit të mbledhur nga Lulzim Basha, ishte përjashtimi nga strukturat drejtuese të personave “non grata” nga SHBA-të në këtë rast Sali Berisha.
Gjithë debati është se çfarë do të ndodhë nëse gjykata do të pranojë ankimin e PD-së për të bashkangjitur dy kërkesat për ndryshimet statutore.
Që do të thotë njohjen edhe të statutit të Lulzim Bashës.
A e ‘zhbën’ automatikisht Kuvendin e 11 dhjetorit 2021 të Sali Berishës, që u regjistrua nga një tjetër gjykatës, por i Shkallës së Parë?
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje