.png)
Gazeta Si – Tragjedi në Foxhia të Italisë, ku një helikopter A109 u rrëzua me 7 pasagjerë në bord, përfshirë një 13-vjeçar dhe dy pilotë.
Sipas mediave italiane nuk ka të mbijetuar. Kontakti i fundit me radio kishte qenë në zonën midis Apricena dhe San Severo në Gargano, një zonë ku një stuhi ishte në zhvillim e sipër.
Viktimat dyshohet se janë turistë sllovenë, 4 prej tyre janë pjesëtarë të së njejtës familjeje, mes të cilëve edhe një vajzë 13-vjeçare. Tragjedia ndodhi në veri të Pulias në një zonë malore pranë Foxhias.
Autoritetet thanë se shkak i aksidentit mund të ketë qenë mjegulla e dendur. Helikopteri u ngrit rreth orës 9.20 të paradites së sotme, por humbi çdo kontakt me kullën e kontrollit disa minuta më pas.
Ekipet e emergjencës e lokalizuan rret gjysmë orë me parë. Mes viktimave janë edhe 2 pilotët dhe një mjek.
Helikopteri ishte nisur në orën 9:20 nga Ishujt Tremiti dhe më pas kishte humbur gjurmët. Mbeturinat u gjetën në një zonë rurale të Castelpagano di Apricena.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje