.png)
Gazeta Si – Ukraina ka “shanse shumë të ulëta për të arritur një fitore ushtarake duke dëbuar të gjithë rusët nga vendi, përfshirë Krimenë”.
Kështu pohon shefi i Shtabit të SHBA-ve, Mark Milley, duke nënvizuar megjithatë se “mund të ketë një zgjidhje politike në të cilën Rusia tërhiqet”.
Forcat ruse, shpjegon Milley, “po vuajnë jashtëzakonisht” dhe kanë pësuar “humbje shumë të larta” për sa i përket burimeve njerëzore dhe mjeteve.
Nga ana tjetër, shanset që Moska të jetë në gjendje të pushtojë të gjithë territorin ukrainas ose të “përmbysë” vendin e pushtuar janë “ushtarakisht të barabarta me zero”.
Gjenerali Mark Milley shpjegon se lufta në Ukrainë mund të njohë një pikë kthese të lidhur me ardhjen e dimrit. Me “ngadalësimin e operacioneve taktike” të mundshme në vend, për shkak të klimës më të ftohtë, “mund të ketë një dritare për negociata”. Dhe ai shton se rusët “kanë dështuar strategjikisht dhe taktikisht në të gjithë Ukrainën”.
Javën e fundit, SHBA-ja e kishte “këshilluar” Ukrainën që të vlerësonte “kërkesat dhe prioritetet realiste në negociata”, duke hequr dorë në mënyrë efektive nga ripushtimi i Krimesë.
Këshilltari i Sigurisë Kombëtare i Shtëpisë së Bardhë, Jake Sullivan, i kishte sugjeruar presidentit ukrainas “të jetë i hapur ndaj negociatave të mundshme me Rusinë”.
Mark Milley u përpoq dhe dështoi të fliste me homologun e tij rus, gjeneralin Valery Gerasimov, të martën pas lajmeve për një rrëzim rakete në Poloni.
Kështu tha vetë gjenerali amerikan në një konferencë për shtyp në Pentagon. “Stafi im nuk mundi të më vinte në kontakt me gjeneralin Gerasimov”, tha Milley, i cili foli me homologun e tij ukrainas, atë polak dhe shefa të tjerë të mbrojtjes në Evropë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje