Kremlini: Do të arrijmë objektivat, por nuk duam ndryshimin e regjimit të Ukrainës

Gazeta Si – “Qëllimi i operacionit ushtarak rus në Ukrainë nuk është të provokojë ndryshimin e regjimit në Kiev”. Kështu deklaroi zëdhënësi i Kremlinit, Dmitry Peskov, i cituar nga agjencitë ruse, i cili theksoi se “Rusia kërkon të arrijë objektivat e saj, duke i shkuar deri në fund”.

Në Kremlin “nuk ka diskutim” për mundësinë e një mobilizimi të dytë për rezervistët e ushtrisë ruse, shtoi po ashtu zëdhënësi i Putinit.

Në fund të shtatorit, Kremlini njoftoi mobilizimin “e pjesshëm” të rezervistëve për konfliktin në Ukrainë.

Zyrtarisht janë thirrur 300 mijë rezervistë. Në fund të tetorit, qeveria tha se kishte përfunduar mobilizimin, por asnjë dekret zyrtar për këtë nuk është publikuar.

“Nuk ka diskutime për këtë. Për Ministrinë e Mbrojtjes nuk mund të flas, Kremlini nuk po e diskuton atë”, tha Peskov, sipas agjencisë ruse të lajmeve “Interfax”, duke iu përgjigjur një kërkese për koment mbi zërat që qarkullojnë në internet për mundësinë e një thirrjeje të dytë.

In Russia fanno uscire dei video di coscritti che rifiutano di andare in Ucraina, e viene mostrato cosa gli viene fatto. Vengono arrestati come pericolosissimi criminali, esposti davanti a tutti, e portati via
Qui Belgorod:
pic.twitter.com/u2ywIAQLPh

— jacopo iacoboni (@jacopo_iacoboni) November 21, 2022

Ndërkohë, një video e të publikuar nga Meduza, një agjenci e pavarur ruse e lajmeve me bazë jashtë vendit, tregon dy ushtarë rusë që përfunduan në pranga në Belgorod, pasi refuzuan të luftonin kundër Ukrainës.

Pamjet u shfaqën në disa kanale Telegrami ruse dhe ukrainase. Në video, dy burra me uniformë ushtarake dalin para komandantit, i cili i njofton për një procedim penal ndaj tyre për mosrespektim të urdhrit: kjo parashikon një dënim në formën e burgimit nga dy deri në tre vjet.

Më pas ushtarët ndalohen. Aktivistët e të drejtave të njeriut – thotë Meduza – besojnë se kjo video është xhiruar “si një paralajmërim për rekrutët e tjerë”.

---

Copyright © Gazeta “Si”

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.

---