.png)
Gazeta Si- Deputeti Petrit Vasili është përjashtuar për 5 ditë nga Kuvendi, pasi sipas Sekretariatit për Procedurat, Votimet dhe Etikën, ka fyer kreun e grupit parlamentar socialist, Taluant Ballën.
Përplasja mes tyre nisi në momentin kur po fliste Vasili, ndërsa kreu i grupit parlamentar të PS-së, Balla kërkonte që ta ndërpriste diskutimin.
Në këtë moment Vasili iu drejtua Ballës me fjalë ofenduese: Mos bëj si idiot, na lër ta lexojmë. Edhe Balla nuk është kursyer ndaj Vasilit me ofendime duke e cilësuar si “debil”.
Për këtë ndëshkim ka reaguar Vasili, nw media duke u shprehur se ky Parlament është maskarenjsh.
“Standardi i këtij parlamenti maskarenjsh është që lejon vetëm që të hapet gropa septike e Edi Ramës që lëshon vetëm pisllëk të pafund, qoftë në pikëpamje etike, qoftë në pikëpamje morale dhe politike, por në mënyrë të veçantë etike”, u shpreh Vasili.
Deputeti i PL-së tha se këto janë masat e vetme që mund të marrin pasi janë kapur me “presh në dorë” me aferën e portit të Durrësit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje