.png)
Klubi i Fiorentinës ka postuar një foto në faqen zyrtare në Tuiter, ku shfaqet Presidentit i Republikës së Shqipërisë, Ilir Meta, duke marrë një dhuratë speciale nga Kryebashiaku i qytetit të Firences, Dario Nardela. Kreut të shtetit shqiptar i është dhuruar fanella e Fiorentinës me numrin 1 dhe me mbiemrin e tij “Meta”. Një “tifoz” më shumë për Fiorentinën…
Presidenti Ilir Meta është mjaft i pasionuar pas sportit dhe veçanërisht ndaj futbollit. Shpesh ai shfaqet në stadiumet tona, sidomos kur luan Kombëtarja.
Aktualisht ai ndodhet në në Itali, ku ka marrë pjesë në meshën o organizuar nga Kryeipeshkvi i Firences, Betori, për 90-vjetorin e Kardinalit Troshani.
Il presidente della Repubblica di #Albania Ilir Meta @ilirmetazyrtar ha ricevuto dal sindaco di @comunefi Firenze @DarioNardella una maglia speciale della #Fiorentina pic.twitter.com/rCkOrUPy2L
— ACF Fiorentina (@acffiorentina) November 1, 2018
Në shenjë falënderimi për Kardinalin e Firences, Xhuzepe Betori, kreu i shtetit shqiptar i ka dhuruar atij një mozaik të Shën Nënë Terezës, i cili është punuar nga artisti shqiptar.
Gjithashtu, Meta ka shprehur mirënjohjen për Kardinalin e Firences për kontributin dhe vlerësimin e dhënë ndaj Kardinalit Troshani, por edhe komunitetit shqiptar, i cili jeton në Arkipeshkvinë e tij.
“Në mirënjohje të respektit e përkujdesjes që tregon ndaj Kardinalit tonë Troshani dhe komunitetit shqiptar në Arkipeshkvinë e tij, i dhurova Kardinalit të Firences Xhuzepe Betori një mozaik të Shën Nënë Terezës, të punuar me dashuri nga artist shqiptar”, shkruan Meta në rrjetin social “Facebook”.
Po ashtu, kreu i shtetit është takuar edhe me kryetarin e Bashkisë së Firences dhe me përfaqësues të komunitetit shqiptar në Firence.
“Kënaqësi që bashkë me Kryetarin e Bashkisë së Firences, Dario Nardella të bashkëbisedonim me përfaqësues të komunitetit shqiptar në Firence, për rritjen e bashkëpunimit tonë të gjithanshëm në interes të përbashkët”, shkruan Meta.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje