.png)
Gazeta Si – Italiani Guido De Sanctis filloi këtë të enjte detyrën e re si Kryetari i Prezencës së OSBE-së në Shqipëri.
Ambasadori De Sanctis është diplomat karriere i Ministrisë së Jashtme dhe të Bashkëpunimit Ndërkombëtar të Italisë.
Përpara se të emërohej Kryetar i Prezencës, ai ka qenë zëvendësambasador në ambasadën e Italisë në Moskë.
Nga viti 2013 deri më 2017-ën, ai shërbeu si ambasador i Italisë në Katar dhe nga viti 2011 deri më 2013-ën, si konsull i përgjithshëm i Italisë në Benghazi të Libisë.
de Canctis po ashtu ka shërbyer në ambasadat italiane në Tripoli, Bernë dhe Kiev.
“Jam i lumtur t’i bashkohem Prezencës në Shqipëri dhe të çoj përpara marrëdhëniet e shkëlqyera mes Prezencës dhe vendit pritës”, – tha ambasadori De Sanctis.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje