.png)
Gazeta Si – Përsëri një dron, sërish në territorin rus. Përsëri kundër infrastrukturës ushtarake të Moskës.
Në orët e fundit, një dron sulmoi një aeroport në rajonin rus të Kursk, në kufi me Ukrainën: këtë e ka bërë të ditur në rrjetet sociale guvernatori i rajonit, Roman Starovoyt.
Të hënën, Ministria e Mbrojtjes e Moskës akuzoi Ukrainën për përpjekje për të goditur objektiva brenda territorit të Federatës Ruse – një ose ndoshta dy baza armike, në një distancë shumë të madhe nga territori ukrainas.
“Si rezultat i një sulmi me dron në zonën e aeroportit Kursk, një rezervuar karburanti mori flakë. Nuk ka viktima”, shkroi Sarovoyt, pa specifikuar origjinën e dronit dhe shtoi se operacionet për shuarjen e flakëve janë ende duke u zhvilluar.
Ukrainasit “mund të kenë përdorur një dron të ri kamikaz për të goditur më shumë se 450 kilometra nga kufiri: një veprim spektakolar i mbështjellë, si zakonisht, nga një perde tymi”, shkruajnë mediat për sulmin e djeshëm.
“Disa javë më parë, kompania “Ukroboronprom”, njoftoi se kishte krijuar një avion të ri pa pilot me një distancë prej gati një mijë kilometrash: në bordin e një koke 75 kilogramësh dhe pajisje për të kapërcyer kundërmasat, një sistem për t’iu përgjigjur goditjeve të pandërprera të vendosura nga gjenerali Surovikin, komandanti i Ushtrisë.
Dhe është e mundur që “shigjeta” e re të jetë përdorur për të shënjestruar pistën ajrore Engels-2 në Saratov, në territorin rus, 750 kilometra nga kufiri ukrainas, i përdorur nga bombarduesit strategjikë Tu-95 të përdorur pikërisht në fushatën terroriste. Disa avionë mund të kenë pësuar dëmtime.
Goditja e dytë kishte të bënte me vendqëndrimin Ryazan, 185 kilometra në juglindje të Moskës, i cili strehon qendrën e trajnimit për aviacionin me rreze të gjatë dhe avionët cisternë.
Këtu versioni ndryshoi gjatë ditës: fillimisht u fol për një cisternë të hedhur në erë dhe tre të vdekur, më pas burimet lokale raportuan dëme edhe në avionë.
Hipoteza se blitz-i nuk u krye me një armë moderne, por me një dron të vjetër zbulimi (të modifikuar), Ty 141, i dizajnit sovjetik, u shfaq gjithashtu mediat lokale. Nuk dihet ende se çfarë arme është përdorur në sulmin e sotëm.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje