.png)
Komisioni Qendror i Zgjedhjeve (KQZ) ka gjobitur partitë kryesore në vend, (por jo vetëm), me argumentin se kanë abuzuar me fondet e partisë në zgjedhjet parlamentare të 25 prillit 2021.
Ilirjan Celibashi njoftoi se Partia Socialiste gjobitet më shume me 5 milionë lekë, ndërsa Partia Demokratike me 700 mijë lekë.
“Gjetjet dhe sanksionet që propozojmë janë të trajtuara dhe reflektojnë interesin e KQZ për ta administruar këtë aspekt të procesit zgjedhor ashtu siç do të duhej pa pasur asnjë lloj interesi politik apo droje nga askush.
Bazuar në gjetjet, vendos miratimin e raportit të gjetjeve nga auditimi i fondeve të përfituara dhe shpenzuara nga partitë politike pjesëmarrëse në zgjedhjet për Kuvendin e Shqipërisë, të datës 25 Prill 2021”, tha Celibashi.
Partia e Lirisë, ish-Lëvizja Socialiste për Integrim, nuk ka marrë gjobë dhe është e vetmja forcë politike me raport të rregullt.
Gjobat e partive politike
PS – 5 mln lekë
PD – 700 mijë lekë
PDK – 100 mijë lekë
LZHK – 600 mijë lekë
Kandidati Fitimtar Lala i partisë ‘Lëvizja e Re’ – 195 mijë lekë;
Lëvizja Legaliteti – 500 mijë
PR – 500 mijë Lekë
Balli Kombëtar Demokrat – 500 mijë lekë
PBPP – 600 mijë lekë
Nisma Thurje – 600 mijë lekë
Bindja Demokratike – 600 mijë lekë
Lëvizja Demokratike – 600 mijë lekë
PSD – 600 mijë lekë
Balli Kombëtar – 600 mijë lekë
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje