.png)
Kryeministri Edi Rama është pyetur ditën e sotme në lidhje me raportin me ambasadoren e SHBA në Tiranë, Yuri Kim.
Rama mohoi të ketë një krisje në raportet mes tyre duke thënë se ngjitja është më e fortë se kurrë duke përmendur edhe takimin që ata kanë pasur një ditë më parë.
“Ngjitja mes meje dhe ambasadores është më e fortë se kurrë. Kemi pasur dje një takim të gjatë, konstruktiv, miqësor, nuk ka asnjë problem”, tha Rama.
Ai këmbënguli se në deklaratën e Ministrisë për Europën dhe Punët e Jashtme për procedurat për zëvendësimin e ambasadores nuk është thyer asnjë etikë.
“Nuk është thyer asnjë etikë dhe procesi për zëvendësim ka nisur, siç është thënë edhe nga ministria e Jashtme. Nuk e kemi nisur ne procesin e ka nisur DASH. Amerikën e kemi të veçantë”, u shpreh ai.
Pas mbledhjes me drejtuesit politik të Partisë Socialiste në qarqe, i pyetur lidhur me zgjedhjet e ardhshme vendore, nëse i ka gati emrat e kandidatëve për bashkitë, Rama tha se se më e rëndësishmja është që Partia Socialiste ka gati patronazhistët.
“Gati kemi patronazhistët kjo është më e rëndësishme. Konsultim me partinë nuk diskutohet se kemi parti jo çeta që mblidhen e shpërndahen sipas thirrjeve, me komunitetin përmes sondazheve që i kemi bërë praktikë të konsoliduar, edhe me opinionin e kryesisë”, tha ai.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje