.png)
Gazeta Si – Shtetet e Bashkuara tw Amerikës po përgatiten të dërgojnë të paktën një bateri raketash “Patriot” në Ukrainë.
Njoftimi i Pentagonit, i parashikuar mw herwt nga CNN, pritet brenda javës. Sekretari i Mbrojtjes, Lloyd Austin, është duke finalizuar detajet komplekse teknike, përpara se të sjellë urdhrin e dërgesës në nënshkrimin e Joe Biden.
Presidenti amerikan është gati për ndryshimin e ri të ritmit. Të dielën më 11 dhjetor, gjatë një bisede të gjatë telefonike, ai në fakt i kishte premtuar Volodimir Zelenskit se sistemet e sofistikuara të mbrojtjes ajrore do të vinin së shpejti. Sipas analistëve ushtarakë, “Patriot”-ët janë ndër mjetet më të mira ushtarake në dispozicion.
Numri dy i Këshillit të Sigurimit rus, Dmitry Medvedev tha se sistemet e mbrojtjes ajrore amerikane “Patriot” do të bëhen pa kushte objektiva legjitime nëse dwrgohen në Kiev.
Atij i bëri jehonë zëdhënësi i Kremlinit, Peskov, dhe atyre që i kërkuan një koment mbi burimet e mediave amerikane në lidhje me mundësinë që Uashingtoni të dërgonte raketat në Ukrainë, ai iu përgjigj: “Nuk do të doja të komentoja akoma, sepse këto janë ende raporte mediatike”.
Bateritw ushtarake u panë në veprim për herë të parë gjatë luftës në Irak në vitin 2003.
Më pas, kompania prodhuese, “American Raytheon”, propozonte gjithmonë versione të reja.
Sot një bateri është e pajisur me radarë, sensorë dhe tetë lëshues, nga të cilët mund të lëshohen katër raketa me një rreze veprimi deri në 70 kilometra.
Ai është kufiri i fundit i anti-ajror, nw gjendje për të kapur dhe shkatërruar raketa lundrimi dhe avionë luftarakë, duke përfshirë dronët kamikazw të furnizuar nga iranianët për ushtrinë e Putinit.
Por përveç aspekteve ushtarake, është sigurisht edhe çështja politiko-diplomatike.
Nga njëra anë, amerikanët po shtojnë përpjekjet e tyre për të krijuar kushtet për një negociatë me Kremlinin, pa anashkaluar megjithatë Zelenskin.
Nga ana tjetër, ata e mbajnë konstant fluksin e armatimeve, duke e përshtatur atë me nevojat e imponuara nga fusha e betejës.
Linja e SHBA-së ndahet nga aleatët evropianë, siç u pa edhe në takimin e G7 të udhëhequr nga Gjermania të hënën më 12 dhjetor.
Ky është një sinjal i qartë drejtuar Putinit: në fillim të një dimri që premton të jetë shumë i ashpër, blloku perëndimor duket kompakt.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje