.png)
Gazeta Si – Qyteti i dytë më i madh i Ukrainës, Kharkivi, ka mbetur prej disa orësh pa energji elektrike, si pasojë e sulmeve të reja ajrore ruse, të cilat kanë shënjestruar stacionet e energjisë.
Zyrtarët lokalë kanë thënë se nëntë objekte të energjisë janë goditur nga sulmet e së premtes, që kanë përfshirë 76 raketa dhe dronë.
Kryetari i Kharkivit, Oleg Synegubov, ka thënë se qyteti është përballur me dëm “kolosal”. Në mbrëmjen e së premtes është raportuar se 55 për qind e banorëve nuk kanë pasur energji.
Operatori ukrainas për energji, “Ukrenergo”, ka paralajmëruar se shkalla e dëmeve është e madhe dhe se riparimet mund të marrin më shumë kohë sesa zakonisht.
Ukraina e ka akuzuar Rusinë se po e përdor dimrin si “armë lufte”, duke dëmtuar objektet kyçe, teksa temperaturat në këtë shtet veçse janë zero gradë Celsius.
Presidenti rus, Vladimir Putin e quan luftën si “operacion special ushtarak” për të çmilitarizuar Ukrainën.
Perëndimi është përgjigjur ndaj Rusisë, duke goditur ekonominë e këtij shteti me sanksione të ashpra.
Si pasojë e luftës kanë vdekur mijëra persona dhe miliona të tjerë janë zhvendosur nga shtëpitë e tyre./REL/
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje