.png)
Gazeta Si – Një tërmet shumë i fortë, me magnitudë 6.4 ballë ka goditur Kaliforninë veriore në orët e para të mëngjesit të 20 dhjetorit në Amerikë (rreth orës 3 me kohën lokale).
Lajmi është bërë i ditur nga Instituti Gjeofizik i SHBA-së USGS, i cili specifikoi se si tërmeti u parapri dhe u pasua nga lëkundje të tjera me magnitudë më të madhe se 4 të shkallës Rihter.
Sipas raporteve paraprake, tërmeti shkaktoi disa dëme dhe ndërprerje të energjisë në disa qarqe në Kaliforninë Veriore. Më shumë se 50,000 njerëz do të mbeten pa energji elektrike.
Sipas mediave amerikane, nuk raportohet deri tani për viktima apo të plagosur, si dhe nuk është lëshuar ende një paralajmërim për cunami,
That was a big one. Power is now out in #ferndaleca. House is a mess. #earthquake pic.twitter.com/YEmcv1Urhp
— Caroline Titus (@caroline95536) December 20, 2022
Tërmeti është regjistruar në një thellësi prej 16.1 kilometrash, epiqendra ndodhet 12 kilometra në jugperëndim të Ferndales, rreth 400 kilometra në veri të San Franciskos.
Një banor në Chico, Kaliforninë veriore, tha se e ndjenë tërmetin dhe e përshkroi atë si të fuqishëm.
Kalifornia ka jetuar për dekada me frikën e një përsëritjeje të tërmetit, i cili, më 18 prill 1906, shkaktoi mijëra vdekje dhe shkatërroi San Franciskon. Në atë rast tërmeti ishte me magnitudë 7.9 ballë.
Our home is a 140-year-old Victorian. The north/south shaking is very evident in what fell. This was our coffee station. Sorry for dark video. Power still out. #ferndaleca #earthquake pic.twitter.com/md1WKCS58Z
— Caroline Titus (@caroline95536) December 20, 2022
Makthi i sotëm është ai i të ashtuquajturit “Big One”, pra një tërmet shkatërrues përgjatë vijës së San Andreas, një çarje e madhe në litosferë që kalon në të gjithë Kaliforninë, duke shkaktuar mesatarisht 10.000 tërmete të madhësive të ndryshme.
Tërmeti i mëngjesit të sotëm, vjen pas frikës së së shtunës së shkuar, kur një tërmet 3.6 ballë goditi San Franciskon në orën 3:39 të mëngjesit, duke zgjuar mijëra banorë dhe duke shkaktuar dëme të vogla.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje