.png)
Kryetari i PBDNJ-së, Vangjel Dule, e cilësoi historike vizitën e kryeministrit të Greqisë, Kyriakos Mitsotakis, në zonat minoritare në jug të vendit.
“Në radhë të parë ishte një vizitë historike. Për herë të parë kryeministri i Greqisë viziton Himarën, Sarandën dhe Gjirokastrën. Është një mesazh mbështetjeje për pjesëtarët e minoritetit grek. Është mesazhi i fqinjësisë së mirë, bashkëpunimit. Mesazh për rajonin. Greqia është një nga shtyllat e arkitekturës së sigurisë”, tha Dule.
Sipas Dules, ky është një mësim i mirë për politikën shqiptare.
“Ky është një mësim që çdo politikan duke filluar nga unë i pari duhet ta ketë. Shumë larg standardeve të politikanëve dhe politikës në vendin tonë.
Problemet janë ngritur në mënyrë të përsëritur dhe ajo që kërkohet është zgjidhja e këtyre problemeve. Ajo që përsërit z. Mitsotakis është se kërkohet frymë e mirë dhe bashkëpunim për zgjidhjen e tyre”, tha Dule.
I pyetur nëse Fredi Bejleri do jetë kandidat i PBDNJ-së për 14 majin, Dule tha se kandidatët do të dalin në të ardhmen.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje