.png)
Gazeta Si – Gati dy miliardë dollarë armë të reja, duke përfshirë për herë të parë raketat “Patriot” dhe “bomba inteligjente”, por ende jo “Atacms”, raketa taktike me rreze të gjatë, në gjendje të godasin objektiva deri në 300 kilometra larg, potencialisht të afta të mbërrijnë në territorin rus.
Në vizitën e tij të parë jashtë vendit që nga fillimi i luftës, Volodimir Zelenski nuk merr “plaçkën” më të lakmuar: Sistemet Raketore Taktike të Ushtrisë, raketat me rreze të gjatë veprimi të furnizuara për forcat e armatosura amerikane, të përdorura gjithashtu nga Shtetet e Bashkuara në vitin 1991 gjatë Operacionit “Stuhia e Shkretëtirës” për të synuar lëshuesit e raketave balistike me rreze të mesme veprimi dhe vendndodhjet e raketave tokë-ajër në Irak.
Udhëheqësi ukrainas mund t’i jetë vetëm mirënjohës Joe Biden për ndihmën e paprecedentë për forcat e tij të armatosura, armë me vlerë 18 miliardë dollarë që nga fillimi i pushtimit.
Njoftimi për furnizimin me “Patriot”-ët amerikanë, përmban një sinjal politik dhe ushtarak. Për të demonstruar një solidaritet të ri, së bashku me shpërndarjen maksimale të fondeve, është një lëvizje për të rritur ombrellën kundërajrore, edhe pse vetëm këto pajisje nuk mjaftojnë.
Dronët “Eagle” dhe “Reape”, që do t’i lejonin njerëzit e tij t’i përgjigjeshin kundërsulmit të Moskës dhe të kalonin dimrin.
Administrata amerikane mbetet e palëkundur në këtë pikë. Super raketat me rreze të gjatë, të afta për të goditur territorin rus, rrezikojnë të provokojnë një përshkallëzim të konfliktit dhe përdorimin e armëve më vdekjeprurëse nga Vladimir Putin, duke përfshirë armët bërthamore, si dhe përfshirjen më të drejtpërdrejtë të Shteteve të Bashkuara dhe spektrit të “një Lufte të Tretë Botërore”, që Biden e evokon prej muajsh.
Uashingtoni ka siguruar se do të vazhdojë të mbështesë rezistencën e Kievit dhe në këtë paketë të re prej 1.85 miliardë dollarësh ka përfshirë për herë të parë raketat “Patriot”, një vendim që ka habitur edhe drejtuesit ushtarakë ukrainas.
Të kërkuara prej kohësh nga Kievi, sistemet, të konsideruara si “flamuri i mbrojtjes së SHBA”, janë të afta të kapin raketa balistike dhe do të jenë një armë shtesë në duart e Kievit kundër sulmeve të vazhdueshme të Rusisë ndaj infrastrukturës strategjike të vendit, të cilat po e bëjnë dimrin edhe më të padurueshëm për miliona ukrainas.
Kievi do të marrë një bateri të përbërë nga 8 lëshues (secila e aftë për të gjuajtur 4 bomba), stacionin e kontrollit dhe radarin.
Do të nevojiten 90 ushtarë të cilët do t’i nënshtrohen një periudhe komplekse stërvitore.
Të paktën 13 javë për personelin e qitjes – shkruan NPR – dhe deri në 53 për ata që duhet të merren me mirëmbajtjen. Këto janë kohë shumë të gjata, veçanërisht kur afrohet lufta shkatërruese.
Sistemi ka një rreze prej 20 deri në 100 milje (30 dhe 160 kilometra), garanton mbrojtjen e një zone të kufizuar për të zmbrapsur raketat balistike.
850 milionë dollarë artileri dhe pajisje municionesh të sulmit të drejtpërdrejtë të përbashkët, do të dërgohen gjithashtu nga Shtetet e Bashkuara.
Këto komplete përfaqësojnë një hap përpara në krahasim me “Himars” ose “Hoëitzers” të furnizuar muajt e fundit nga i gjithë Perëndimi, sepse ato janë në gjendje të konvertojnë municionet ajrore të padrejtuara në “bomba inteligjente” për avionët ukrainas me një shkallë saktësie shumë më të lartë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje