.png)
Gazeta Si – Vala e motit të keq që po godet Shtetet e Bashkuara të Amerikës deri më tani ka shkaktuar të paktën 28 të vdekur.
Lajmi është raportuar nga rrjeti televiziv NBC, duke shtuar se të gjitha vdekjet kanë ndodhur në aksidente rrugore të shkaktuara nga kushtet ekstreme të motit. Erërat e ftohta dhe të forta vazhdojnë të ngadalësojnë transportin. Sinoptikanët parashikuesit një Krishtlindje të ftohtë, ndoshta më të ftohtën në 40 vjet.
Më shumë se 200 milionë amerikanë morën paralajmërime për kushte ekstreme të motit. Fillimisht, shtetet veriore dhe zonën qendrore-perëndimore u prekën kryesisht nga moti i keq.
Më pas “paralajmërime” për të ftohtin polar kanë marrë edhe shtetet jugore të të gjithë Amerikës. Disa shtete, përfshirë Nju Jorkun, kanë shpallur gjendjen e jashtëzakonshme.
Kompanitë e energjisë elektrike të shumë shteteve kanë bërë apel për të kursyer energjinë: me të ftohtin, konsumimi ka qenë i madh dhe rreziku është që autoritetet të mos mund të plotësojnë kërkesat e larta.
Në Tenesi, ndërprerjet e shkurtra të energjisë elektrike janë vendosur për të reduktuar konsumin.
Stuhia e quajtur “cikloni i bombës” nga media, një nga më të egrat në dekada, ka detyruar tashmë anulimin e më shumë se 1900 fluturimeve të brendshme vetëm në datën 24, sipas faqes së monitorimit Flightaëare.com; 6000 të tjerë do të pësojnë vonesa.
Anulimet i kanë lënë udhëtarët të bllokuar në aeroporte duke përfshirë Atlantën, Çikago, Denver, Detroit dhe Nju Jork Siti, duke shpresuar për një mrekulli të riprenotimit të fluturimeve gjatë Krishtlindjeve.
Në shtetin e goditur fort të Nju Jorkut, Guvernatorja Kathy Hochul, ka vendosur Gardën Kombëtare në Erie County dhe qytetin e tij kryesor, Buffalo, ku autoritetet thanë se shërbimet e 911 ishin reduktuar përballë kushteve ekstreme.
“Ka me siguri qindra njerëz ende të ngecur në automjete”, tha herët ekzekutivi i qarkut Erie, Mark Poloncarz.
Vetëm Buffalo duket të jetë qyteti më i prekur për momentin: raportohet për rreth 70 centimetra borë
Akulli në rrugë ka detyruar gjithashtu mbylljen e disa prej rrugëve më të ngarkuara të transportit të vendit, duke përfshirë ndërshtetëror 70, pjesë të të cilave janë mbyllur përkohësisht në Kolorado dhe Kansas.
Më shumë se 200 milionë amerikanë u prekën nga alarmi i motit dje pasi ftohjet e erës ulën temperaturat deri në -48 gradë Celsius, sipas Shërbimit Kombëtar të Motit.
Në Wyoming dhe Kolorado – ku Denveri përjetoi ditën e dytë më të ftohtë në historinë e tij – temperaturat ranë me 20-30 gradë brenda një ore, duke shkaktuar shumë probleme në rrugë dhe infrastrukturën elektrike. Një milion e gjysmë njerëz tashmë janë në errësirë dhe mbi të gjitha janë pa ngrohje. Dhe situata është e destinuar të përkeqësohet në orët në vijim.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje