.png)
Gjykata Kushtetuese shqyrtoi të mërkurën mandatin e ministres së Punëve të Jashtme dhe Evropës, Olta Xhaçka.
Dy grupet brenda PD-së kërkojnë heqjen e mandatit të Xhaçkës, me pretendimin se ka konflikt interesi përmes bashkëshortit të saj që ka fituar statusin e investitorit strategjik.
Pas rrëzimit të kërkesës nga Kuvendi, dy grupe deputetësh në PD e depozituan në Gjykatë Kushtetuese padinë duke e cilësuar si “anti kushtetues” mandatin e saj.
Kuvendi votoi me 74 vota pro, raportin e mazhorancës të Këshillit të Rregullores, që bllokonte dërgimin në Gjykatën Kushtetuese të shqyrtimit të mandatit të Olta Xhaçkës.
“Vetëm në regjimin e korruptuar të Edi Ramës ndodh që një ministre/deputete të jetë edhe “investitore strategjike”!
Sot në orën 10:00 Gjykata Kushtetuese do të marrë në shqyrtim kërkesën e Grupit Parlamentar të PD lidhur me mbrojtjen që Edi Rama në mënyrë antikushtetuese i bëri në Kuvend investitores strategiike Olta Xhaçka.
E sotmja është një gur prove nëse Gjykata Kushtetuese është garante e Kushtetutës, apo është garante e regjimit të korruptuar të Edi Ramës”, komentoi Bardhi në Facebook pak orë para fillimit të shqyrtimit të seancës.
Gjykata i dëgjoi palët dhe vendimin do ta japë brenda 30 ditësh.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje