.png)
Kreu i Partisë Bashkimi për të Drejtat e Njeriut, Vangjel Dule i ka dërguar sot një letër Presidentit të Republikës, Ilir Meta, duke kërkuar impenjimin e tij edhe në cilësinë e Kryetarit të Këshillit të Lartë të Drejtësisë, për çështjen e Konstandinos Kaçifas dhe dorëzimin e trupit të tij për varrim.
Dule kërkon nga Meta impenjim për këtë çështje si edhe rikthimin e trupit të Kaçifas te familja. Dule shton se kjo çështje nuk mund të trajtohet me indiferencë.
“Çështja e dhimbjes së familjarëve, sensibilitetit të Komunitetit Grek dhe dimensioni human për të kryer ritet e përcjelljes, nuk mund të trajtohet me indiferencë burokratike dhe formalitete justifikuese”, thuhet në letrën e PBDNJ drejtuar Presidentit.
Konstantinos Kacifa u vra ditë më parë nga RENEA, pasi qëlloi me breshëri mbi policinë. Ai nuk pranoi të dorëzohej dhe RENEA e qëlloi.
Familjarët e ekstremistit grek Kostandino Kacifas kanë bërë sot kërkesë në Prokurorinë e Krimeve të Rënda për tërheqjen trupit të 35-vjecarit.
Ndërkohë, trupi i të ndjerit mbahet në ruajtje nga Instituti i Mjekësisë Ligjore deri në përfundim të plotë të ekspertizës mjeko-ligjore.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje