.png)
“Presidenti i Filipineve Ferdinand Marcos ka miratuar një program të rimbursimit të tatimit mbi vlerën e shtuar për turistët e huaj deri në vitin 2024 për të tërhequr më shumë vizitorë’-njoftoi të dielën Zyra Presidenciale e Komunikimit (PCO).
Qeveria filipineze mbledh një TVSH prej 12% për mallrat e konsumuara brenda vendit. Plani është të lejojë të huajt të marrin një rimbursim të TVSH-së për artikujt që po marrin nga Filipinet, ngjashëm me atë që ofrojnë shumë vende të tjera.
“Ky vendim është pjesë e propozimeve që një organizatë këshilluesve vendase nga sektori privat i paraqiti Marcos kohët e fundit për të nxitur industrinë e turizmit, duke përfshirë përmirësimin e infrastrukturës dhe operacioneve të aeroportit dhe promovimin e investimeve turistike’, tha PCO në një deklaratë.
Marcos ka miratuar gjithashtu nisjen e një vize në internet këtë vit për turistët kinezë, indianë, koreano-jugorë dhe japonezë.
Sipas Departamentit të Turizimit, Filipinet regjistruan 2.65 milionë vizitorë të huaj vitin e kaluar, të cilët sollën rreth 3.68 miliardë dollarë të ardhura, duke tejkaluar objektivin e 2022 prej 1.7 milionë turistësh.
Totali i vitit të kaluar përbëhej nga 2.02 milionë shtetas të huaj dhe rreth 630 mijë emigrant të ardhur për pushime, i cili krahasuar me vetëm 163.879 turistë të regjistruar në vitin 2021 dhe ishte ende dukshëm më i ulët se niveli vjetor i para-pandemisë prej 8.26 milionë.
Qeveria synon të rrisë ardhjet e vizitorëve këtë vit në 4.8 milionë turistë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje