.png)
Më shumë se 50 persona kanë humbur jetën të dielën në dy aksidente të ndara në Pakistan.
Të paktën 41 persona humbën jetën kur një autobus ra në një luginë dhe mori flakë në jug-perëndim të Pakistanit. Ndërsa në veriperëndim të vendit, të paktën 10 fëmijë u mbytën në një aksident me varkë.
Të gjithë të vdekurit e gjetur deri më tani në liqe, afër kufirit me Afganistanin, janë të moshës nga shtatë deri në 14 vjeç.
Zyrtari i policisë lokale, Mir Rauf, i tha AFP-së se përveç 10 fëmijëve që vdiqën, 11 të tjerë u shpëtuan, gjashtë nga ta janë në gjendje kritike. Ndërsa nëntë të tjerë besohet se janë të zhdukur.
“Një operacion shpëtimi është duke u zhvilluar”, tha Rauf.
#Pakistan At least ten children were killed after a boat carrying tourists capsized in Tanda Dam in Kohat #KPK. Rescuers said at least 20 people including children were on the boat at the time of the incident. pic.twitter.com/JURAD9E27m
— Ghulam Abbas Shah (@ghulamabbasshah) January 29, 2023
Varka po transportonte dhjetëra njerëz në një udhëtim ditor nga një medrese lokale kur ajo u përmbys.
Furqan Khan, zëvendëskomisioneri i Koratit, i tha Reuters se kishte pasur incidente në të kaluarën dhe policia kishte mbyllur liqenin për udhëtime rekreative.
Ndërsa përplasja e autobusit ndodhi pranë qytetit jugor Bela, në provincën Balochistan, tek po udhëtonte për në qytetin port të Karaçit.
Në vendin e përplasjes së autobusit, një zyrtar lokal tha se trupat ishin “të paidentifikueshëm”.
Zyrtari lokal, Hamza Anjum, i tha agjencisë së lajmeve AFP se 40 trupa u gjetën së bashku me tre të plagosur, njëri prej të cilëve vdiq pak më vonë. Dy të mbijetuarit janë në gjendje “të rëndë”.
🇵🇰 _||~ UPDATE 40 Fatalities in a bus accident in Southwest #باكستان #Pakistan #RoadAccident pic.twitter.com/0X0KQVuGxW
— A Deniz Ekşioğlu (@_AD_CHANEL6) January 29, 2023
Autobusi raportohet se goditi një shtyllë në një urë.
“Ne do të hetojmë shkaqet e aksidenti”, tha Anjum, dhe shtoi se testet e ADN-së do të përdoren për të përcaktuar identitetin e personave.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje