.png)
Gazeta Si – Anthony Blinken pritet në Pekin gjatë fundjavës, në vizitën e parë të një Sekretari Amerikan të Shtetit që nga viti 2018.
Dhe në prag të misionit, Shtetet e Bashkuara të Amerikës tregojnë se duan të diskutojnë me kundërshtarët e tyre kinezë nga pozicioni i forcës, me një lëvizje të dyfishtë: rinisjen e aleancës ushtarake me Filipinet dhe rihapjen e ambasadës në Solomon.
Nga ana tjetwr, Pekini ka reaguar duke thënë se masa minon stabilitetin në rajon. Filipinet njoftuan këtë të enjte se kanë zgjeruar marrëveshjen ushtarake me amerikanët, duke hapur katër baza të tjera në arkipelag për ta.
Këto janë instalime “në zona strategjike të territorit tonë”, thotë qeveria e Manilës. Analistët theksojnë se aksesi u lejon strategëve të Pentagonit të mbushin një boshllëk në harkun e kontrollit rreth Kinës, i cili aktualisht shkon nga bazat në Korenë e Jugut dhe Japoninë në veri, deri në Australi në jug.
Filipinet janë unaza që mungon pranë dy teatrove të mundshëm të konfrontimit midis amerikanëve dhe kinezëve: ishullit të Tajvanit dhe Detit të Kinës Jugore (që Manila e quan Deti i Filipineve Perëndimore).
Tre nga bazat pritet të jenë në rajonin Luzon, që është më afër Tajvanit; i katërti në Palaëan, në zonën Spratly, ku raportohen prej vitesh manovra të mëdha depërtimi kineze.
Filipinet janë aleati më i vjetër i Shteteve të Bashkuara në Azi, pasi kanë qenë një koloni deri në vitin 1946.
Edhe në vitet 1980, 15,000 ushtarë amerikanë ishin vendosur në arkipelag, të cilët kishin në dispozicion të plotë dy bazat e mëdha të “Clark Field Subic Bay”.
Në vitin 1992, pas rënies së regjimit të ish-presidentit Marcos, pjesa më e madhe e forcave amerikane u tërhoqën. Që atëherë, prania e SHBA-së ka qenë më e lehtë dhe gjithmonë e nënshtruar ndaj tensioneve politike.
Marrëveshja e shpallur sot nga presidenti i ri, Ferdinand “Bongbong” Marcos Jr, djali i diktatorit të rrëzuar, nuk është një rikthim.
Katër bazat nuk do të kontrollohen nga Uashingtoni, por do të mbeten nën sovranitetin e Filipineve dhe do të përdoren “në mënyrë fleksibël”.
Nuk bëhet fjalë për të pasur baza, ku mund të përqendrohen shumë departamente, por për të qenë në gjendje të llogariten vendet ku të grumbullohen furnizimet dhe të koordinohen aktivitetet e mbikëqyrjes së veprimtarisë kineze, thonë në Pentagon.
Fakti është se katër bazat (ose vendet) i çojnë në nëntë pikat mbështetëse që amerikanët do të mund të përdorin në Filipine dhe zgjerojnë ndjeshëm hapësirën e manovrimit të Pentagonit.
Marrëdhëniet midis Uashingtonit dhe Manilës kanë rifilluar pas gjashtë viteve të presidencës së Dutertes, të karakterizuara nga një ekuilibër i paqartë kundrejt Pekinit dhe nga kërcënimi për të anuluar “Marrëveshjen e Forcave Ushtarake”, e cila parashikon stërvitje të përbashkëta në shkallë të gjerë dhe “Përmirësimi i Marrëveshjes sw Bashkëpunimit të Mbrojtjes”, e cila u lejon amerikanëve të mbajnë pajisje dhe trupa ushtarake në arkipelag.
Presidenti Bongbong Marcos, duke pritur Sekretarin e Mbrojtjes të SHBA-së, Lloyd J. Austin III, siguroi se Filipinet dhe Shtetet e Bashkuara janë partnerë të pandashëm.
Austin theksoi se “është një marrëveshje e madhe, veçanërisht e rëndësishme pasi Kina vazhdon të avancojë pretendimet e saj të paligjshme në Detin e Filipineve perëndimore”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje