.png)
Gazeta Si – Shumica socialiste rrëzoi këtë të enjte kërkesën e opozitës për shkarkimin e kryetares së Kuvendit, Lindita Nikolla. 78 deputetë votuan kundër kërkesës së Partisë Demokratike, ndërsa vetëm 3 deputetë votuan pro.
Po ashtu me votat e mazhorancës u miratuan disa prej projektligjeve që ishin në rendin e ditës. Votimi u krye gjatë tensioneve teksa deputetët e opozitës kishin bllokuar foltoren.
Po ashtu, i pranishëm gjatë momentit të votimit të deputetëve ishte edhe kryeministri Edi Rama. Prania e tij shkaktoi tensione në Kuvend teksa deputetët e PD kërkuan që të zhvillohet interpelanca ndaj tij për çështjen “McGonigal”.
Nikolla e kishte të garantuar mbijetesën për shkak se votimi kërkonte shumicë të thjeshtë.
Megjithatë opozita nuk arriti të konfirmonte as 28 firmat e kërkesës, pasi Alibeaj me deputetët e tij braktisën seancën para votimit, ndërsa një pjesë e mirë e deputetëve të tjerë ishin përjashtuar nga punimet e Kuvendit.
Në fjalën e saj drejtuar deputetëve, Nikolla tha se kërkesa e opozitës ishte emocionale dhe e pabazuar në fakte.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje