.png)
Gazeta Si – Turqia është goditur sërish nga një tërmet me magnitudë 5.6 ballë pranë qytetit Malatya, një nga provincat në juglindje të vendit tashmë të prekura nga lëkundjet e tmerrshme të 6 shkurtit.
Të paktën një person ka humbur jetën dhe 70 të tjerë janë plagosur. Epiqendra u identifikua në Yesilyurt, një nga lagjet e qytetit në Anadollin juglindor.
Disa ndërtesa të tjera janë shkatërruar si pasojë e këtij tërmeti. Besohet se qytetarë të tjerë kanë mbetur nën rrënoja.
Kryetari i Bashkisë së Malatya ka thënë se një baba së bashku me vajzën e tij të cilët u futën në një dyqan, kanë mbetur nën rrënoja. Ekipet e kërkim-shpëtimit kanë nisur punën për nxjerrjen nga rrënojat të të mbijetuarve.
Ndërkohë, bilanci paraprak nga tërmeti 7.8 ballë i 6 shkurtit në kufirin turko-sirian, ka shkuar në të paktën 50 mijë të vdekur.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje