.png)
Gazeta Si – Serbia eksporton armë në Ukrainë përmes Turqisë dhe Sllovakisë. Kështu pohon media pro-shtetërore ruse “Mash”, sipas së cilës disa raketa të prodhuara nga kompania shtetërore serbe e armëve “Krusik”, kanë përfunduar në Ukrainë përmes kontrabandës në front nga ndërmjetës të ndryshëm.
Në mbështetje të tezës, e njëjta media ka publikuar disa dokumente, të cilat tregojnë se si 3500 raketa serbe M21 të shitura në Agjencinë Turke të Armatimeve, në fakt përmes Sllovakisë kanë arritur në Ministrinë e Mbrojtjes së Ukrainës.
Kur u pyet për këtë, ministri serb i Mbrojtjes, Millosh Vuçeviç deklaroi se vendi “absolutisht nuk eksporton armë në Ukrainë apo Rusi” dhe se gjithçka që ndodh nga shitja në Turqi e tutje, “është një çështje e tregtisë ndërkombëtare”.
“Ne garantuam Rusinë dhe Ukrainën se nuk do të eksportonim armë. Serbia nuk eksporton armë dhe pajisje ushtarake në front. Nëse kompanitë private blejnë në tregjet e palëve të treta dhe u shesin kompanive nga vende të tjera, nuk është shqetësimi ynë”, tha Vuçeviç.
Kompania “Krusik” gjithashtu theksoi se nuk ka qenë kurrë e përfshirë në shitjen e armëve në Ukrainë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje