.png)
11 deputetë të opozitës i kërkuan Kuvendit të premten përjashtimin nga seancat e Kuvendit ministres për marrëdhëniet me parlamentin Elisa Spiropali.
Sipas deputetëve firmëtare ajo ka përdorur gjuhë të papranueshme ndaj opozitës seancën e fundit parlamentare.
Kuvendi me votat e PS rrëzoi kërkesën.
Një nga firmëtarët, deputeti Oerd Bylykbashi tha se Kuvendi po përdor standarde të dyfishta.
“Është marrë vendimi nga parlamenti, nga shumica për të rrëzuar këtë kërkesë. Është tregues i qartë i dy standardeve që kjo mazhorancë që Edi Rama po përdor qartazi duke përdorur rregulloren Kuvendit të Shqipërisë si dhunim ndaj të drejtave të opozitës, me qëllimin e vetëm për të bërë të pamundur që deputetët e opozitës të jenë prezent në sallë, të ngrenë problemet, të kërkojnë atë që është detyra e tyre, kontrollin e qeverisë…
Vendimi i mazhorancës që të rrëzojë kërkesën për përjashtimin e Elisa Spiropalit për gjuhën e papranueshme dhe shkeljen e rregullave të parlamentit ndaj deputetëve të Shqipërisë është rrëzuar, ndërkohë që deputetët e opozitës përjashtohen. Janë rreth 27 deputetë të cilët janë përjashtuar. Edi Rama, sigurisht që përfaqësohet nga Elisa Spiropali është simboli dhe lapidari i të gjithë dhunës verbale dhe dhunimit të parlamentit të Shqipërisë. Sigurisht që nuk presim asgjë prej tyre, por për ta kuptuar qartë dyfytyrësinë dhe dy standardet e kësaj mazhorance ne nuk presim që të gjejmë zgjidhje nga kjo, por ta kuptojnë shqiptarët”, tha Bylykbashi pas vendimit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje