.png)
Gazeta Si – Presidenti i Bjellorusisë, Aleksandër Lukashenko u takua mëngjesin e kësaj të enjteje në Pekin me homologun e tij, kinez Xi Jinping.
Pas bisedës me kryeministrin kinez, Li Keqiang, Lukashenko falënderoi palën kineze “për ndihmën dhe mbështetjen e madhe të Bjellorusisë” dhe “për ndarjen e përvojës së tij të bashkëpunimit në zonat e lira ekonomike gjatë 30 viteve të fundit”.
Lukashenko vlerësoi gjithashtu evolucionin e diplomacisë kineze: “Ne e shohim situatën duke u zhvilluar në skenën ndërkombëtare. Ne ju përgëzojmë për përparimin tuaj të qetë në mendime. Ju jeni duke ndjekur rrugën tuaj; mos u pengoni nga asgjë dhe mos reagoni ndaj goditjeve të vogla që vijnë nga e djathta dhe nga e majta ndaj Republikës Popullore të Kinës, – tha presidenti bjellorus. – Kina ka një mik në Bjellorusinë paqësore në qendër të Evropës”.
Sipas Lukashenkos, Bjellorusia “mbështet plotësisht iniciativën e paqes prej 12 pikash të Pekinit për t’i dhënë fund konfliktit në Ukrainë. Kombet e mëdha duhet të ndalojnë politizimin dhe përdorimin e ekonomisë globale si të duan, dhe duhet të punojnë drejt një armëpushimi dhe të miratojnë masa që mund ta zgjidhin krizën në mënyrë paqësore dhe të ndalojnë luftën”.
“Takimi i sotëm zhvillohet në një moment shumë të vështirë, i cili kërkon një qasje të re joortodokse dhe vendime të përgjegjshme politike që duhet të synojnë mbi të gjitha të parandalojnë një rrëshqitje në një përballje globale që nuk do të ketë fitues. Kjo është arsyeja pse Bjellorusia po paraqet në mënyrë aktive propozimet e paqes dhe mbështet plotësisht iniciativën”, kineze të sigurisë ndërkombëtare, vazhdoi lideri i Minskut, i cili gjithashtu synon të forcojë bashkëpunimin teknologjik me Kinën.
Samiti kino-bjellorus është shenja më e fundit se Xi është më i interesuar për luftën në Ukrainë, një vit pas agresionit të Moskës kundër Kievit.
Agjencia shtetërore “Xinhua”, dha një rrëfim të bisedimeve mes Lukashenkos dhe kryeministrit Li Keqiang, pa përmendur çështjen e Ukrainës.
Li, në veçanti, shprehu shpresën se Kina dhe Bjellorusia mund të thellojnë “bashkëpunimin pragmatik” dhe “të përmirësojnë komunikimin dhe koordinimin” në çështjet globale dhe rajonale.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje