.png)
Nga Gazeta Si- Në seancën maratonë të ditës së sotme është folur edhe për ngjarjen e rëndë të ndodhur me 1 mars, ku Dan Hutra vrau tre gra dhe plagosi tre të tjera. Deputeti i PS-së, Erion Braçe në fjalën e tij në Parlament akuzoi gjyqtarin që e kishte liruar, e ka kaluar vetingun me ndërhyrje edhe këtej edhe andej, duke iu referuar këtu PS-së dhe PD-së.
“Lexoni çfarë ka thënë gjykatësi atje. Është një tmerr që ky njeriu ishte dënuar me 16 vite burg, shumë pak se ka vrarë gruan e tij vetëm 22 vjeçe. Ky njeriu ka pak klasë shkollë dhe kjo e bën të mos kuptojë rregullat dhe normat e familjes dhe shoqërisë, që ky njeri nuk ka kërcënuar, por ka kanosur me fjalë jo me vepra, thotë gjyqtari. Dhe ky gjyqtar e ka kaluar vetingun, dhe e ka kaluar me ndërhyrje edhe këtej edhe andej, ky është problemi!”, tha Braçe. Por këto akuza që të bëra pa emër konkret, reagoi deputetja Jorida Tabaku. Ajo i kërkoi Braçes që të fliste me emra konkret.
“Kush nga PD-PS ka kaq shumë influencë sa të ndërhyjë në Vetting. Unë personalisht nuk kam ndërhyrë as te drejtësia e vjetër apo kjo e reja që u krijua nga refoma në drejtësi”, tha Tabaku. Edhe pse Braçe nuk e përmendi me emër, gjyqtari që liroi Dan Hutrën dhe që e ka kaluar procesin e vettingut është Gerd Hoxha.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje