.png)
Kryeministri Edi Rama tha të hënën se asnjë parti politike nuk rrezikon të mos regjistrohet në zgjedhjet e 14 majit, referuar Partisë Demokratike.
Rama tha se të gjitha partitë politike “do të futen në zgjedhje si Çeço”.
“Mua nuk më rezulton që do ketë ndonjë parti që nuk do të hyjë në zgjedhje, me rezulton e kundërta, të gjithë do hyjnë dhe do hyjnë si Çeço, sepse në zgjedhje nuk hyhet për njërin apo për tjetrin, por për qytetarët”, tha Rama.
Ai u pyet gjithashtu edhe për gjyqin lidhur me vulën e PD-së
“Ju e dini mirë që nuk flas në prani të miqve që vijnë nga jashtë për problemet e politikës së brendshme”, deklaroi ai.
Reagimi i kreut të qeverisë erdhi gjatë konferencës së përbashkët që Rama zhvilloi me homologen e tij daneze Mette Frederiksen.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje