.png)
Nga Gazeta Si – Në kohën kur Enkelejd Alibeaj si kryetar i autorizuar ka nisur të bëjë negociata me pjesën tjetër të PD-së për t’i kthyer kandidatët e primareve të Berishës, si emrat unik të opozitës, brenda këtij grupimi po dalin krisjet e para. Është pikërisht kreu i PD-së së degës së Elbasanit, Eugen Isaj, i cili me anë të një postimi në rrjetet sociale ka bërë thirrje që të mbështetet Luçiano Boçi si kandidat për kryetar të bashkisë së këtij qyteti.
“Që ndryshimi të jetë i mundur, opozita, Partia Demokratike, e ka të domosdoshme të prezantohet me një kandidat unik e fitues. Nga selia e Partisë Demokratike, nga një pjesë e Partisë Demokratike, është propozuar si kandidat kolegu Luciano Boçi. Në emër të Partisë Demokratike dega Elbasan, dua të shpreh vullnetin tonë të plotë, që zoti Boçi të jetë kandidat unik i të gjithë demokratëve”, shkruan Isaj.
Më tej ai thekson se Boçi ka dalë kandidat nga selia e PD Elbasan dhe ka përgjegjësinë të jetë kandidat i PD Elbasan. “Prandaj thirrja ime sot është të lëmë mënjanë konfliktin e shkaktuar në qendër dhe që është shtrirë deri në bazë, dhe të jemi të gjithë bashkë me një kandidat, kandidat i Partisë Demokratike të Shqipërisë”, thekson Isaj.
Luçiano Boçi theu herësin në zgjedhjet e fundit parlamentare, duke u zgjedhur si deputet i qarkut të Elbasanit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje