.png)
Kryekomisioneri Ilirjan Celibashi, duke folur për financimet në media në prag të procesit zgjedhor, tha se qëndron një ngërç i madh për mediat online pasi sipas tij nuk ka asnjë rregullim ligjor.
“Sot e dimë që media e shkruar e ka humbur atë rolin e vetë, rëndësinë e vetë, vazhdojnë mediat tradicionale, radio e TV të kenë rol të dorës së parë.
Por e dimë shumë mirë, që rrjetet sociale, mediat online kanë fituar terren në këtë fushë. Legjislacioni ynë nuk ka asnjë rregull që t’i imponohet sjelljes së këtyre mediave. Ndaj shpresoj që në kuadër të reformës së re elektorale të gjej trajtesën e vetë edhe ky aspekt. Edhe pse vetë në vetvete media online, rrjetet sociale, që janë një risi, nuk e kanë rregullimin që duhet të ketë, mendoj se kjo nuk i pengon partitë politike dhe Kuvendin e Shqipërisë të adresojë raportin mes partive politike, fushatave sociale dhe mediave sociale.
Lidhur me reklamat politike, eksperiencat e deritanishme kanë treguar se ka paqartësi në këtë mes. Kemi raste kur media të caktuara, justifikimin e tyre mbi një lloj ç ‘balancimi, në lidhje me reklamat politike, apo subjekteve elektorale, e kanë justifikuar, që ne kemi dhënë, por i kemi dhënë falas, s’mund ta bëjnë këtë për partitë politike, nuk lejohet nga ligji” tha Celibashi
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje