.png)
Komisioni i Ankimimeve dhe Sanksioneve rrëzoi kërkesën e Sali Berishës për pezullimin e regjistrimit të subjektit “Partia Demokratike” me nënkryetar Enkelejd Alibeaj në cilësinë e kryetarit të komanduar, për zgjedhjet 14 majit, deri kur Kolegji Zgjedhor të jetë shprehur me vendim përfundimtar.
“Është shkelur besueshmëria e procesit zgjedhor nga të gjitha palët. Kërkojmë kundërshtimin e vendimit të KQZ, ku ka bërë regjistrimin e PD në zbatimit të vendimit tuja, po të paligjshëm dhe tejkalimit të çdo kompetence, ndryshimin, duke vendosur pezullimin e vendimit. Pavarësisht se vjen për të qeshur, se e dini dhe vetë që keni marrë një vendim koti. Argumenti se vendimi ishte menjëherë i zbatueshëm, për ne nuk qëndron”, tha përfaqësuesi ligjor i Berishës.
Nga ana tjetër, përfaqësuesi i ligjori i PD-së së Alibeajt, tha se vendimi i KAS për regjistrimin e PD-së ishte detyrues dhe nuk mund të zhbëhet.
Ndërkohë më 27 mars do të zhvillohet në Kolegj Zgjedhor seanca për ankimimin që Sali Berisha ka bërë ndaj vendimit të KAS, i cili urdhërori KQZ që të regjistrojë PD-në e Alibeajt në zgjedhje.
Trupa gjykuese që do të shqyrtojë këtë çështje përbëhet nga gjyqtarët Blerona Hasa (Relatore); Manjola Xhaxho, Emona Muҫi, Esmeralda Xhili, Alma Kolgjoka.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje