.png)
Gazeta Si – Tre të rinj shqiptarë janë arrestuar nga Itali pas një operacioni të policisë, e cila sekuestroi një ngarkesë me kokainë e fshehur brenda një kontejneri me banane. Sasia e lëndës narkotike u kap në portin e Vado Ligures në Savona, raportojnë mediat italiane.
Kontejneri me banane ishte nisur nga Ekuadori. Pasi u shkarkua nga anija, kontejneri iu nënshtrua në kontrolli të plotë ku dhe u konstatua sasia prej 83 kilogramë kokainë.
Objekti u mbajt nën monitorim, deri kur aty u paraqitën 3 shqiptarë, të cilët u futën fshehurazi në port dhe kërkonin të merrnin ngarkesën e drogës.
Të tre u arrestuan në flagrancë. Ata janë të moshave 33, 28 dhe 23 vjeç, ndërsa identiteti i tyre nuk është bërë i ditur.
Në momentin e arrestimit, 3 shqiptarëve iu gjetën mjete për të hapur me forcë kontejnerin.
Kokaina do të kapte vlerën e 7 milionë eurove nëse do shitej me pakicë. Hetimet e autoriteteve italiane vazhdojnë për të identifikuar marrësit fundorë të ngarkesës me kokainë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje