.png)
Gazeta Si – Hera e parë që Joe Biden zbret në Izrael është vera e vitit 1973, kanë mbetur 43 ditë para konfliktit të Yom Kippur, lufta duket e largët – pak e presin atë, pothuajse asnjë nga udhëheqësit izraelitë nuk e parashikon – dhe Benjamin Netanjahu bën të kundërtën disa muaj më parë, ku pas shërbimit të tij ushtarak u kthye në Shtetet e Bashkuara, si student i arkitekturës në MIT në Boston.
Senatori i atëhershëm amerikan në fillim pritet nga Golda Meir, do të kujtojë cigaret që pinte kryeministri njëra pas tjetrës dhe është “një nga momentet më domethënëse të jetës sime”.
Në 36 vitet e tij në Komisionin e Punëve të Jashtme, më pas si nënkryetar, ai i shtrëngoi dorën Yizthak Rabin në Jerusalem dy herë (1977, 1992) dhe të gjithë atyre që erdhën më pas.
Në vitet e marrëdhënieve të vështira mes kryeministrit Netanjahu dhe Barack Obama, ishte ai që dërgoi publikisht mesazhin: “Mos harroni se jemi miq”.
Ndonjëherë qortimet e një të njohuri të vjetër, janë më të bezdisshme sesa kërcënimet e një armiku të ri: “Bibi” (Netanjahu) e di që Xho e njeh mirë.
Ndaj thirrjeve presidenciale – “nuk mund të vazhdojë kështu, shpresoj që vërtet të përpiqeni të arrini një kompromis”, – kryeministri izraelit i përgjigjet: “Ne jemi një vend sovran, i cili merr vendime bazuar në vullnetin e popullit të tij dhe jo në bazë të presionit nga jashtë, qoftë edhe nga miqtë më të mirë”, – reagon izraeliti, në lidhje me protestat që kanë përfshirë vendin prej javësh kundër miratimit të reform♪7s në drejtësi.
Kohët e vizitës së Netanjahut në Uashington po zgjasin – asnjëherë në 5 mandatet e mëparshme si kreu i qeverisë, atij nuk i është dashur të presë kaq gjatë për një ftesë në Shtëpinë e Bardhë – dhe hapësira diplomatike për manovrim po zvogëlohet.
Pavarësisht toneve të paturpshme ndaj aleatit më të fuqishëm të Izraelit të shprehura nga ministrat e tij – “ne nuk jemi një tjetër yll në flamurin e Shteteve të Bashkuara”, sulmon ekstremistin Itamar Ben Gvir – lideri konservator e di se nuk mund të heqë dorë nga marrëdhëniet speciale.
Protestat që po vazhdojnë prej tre muajsh kundër projektit të reformës në drejtësi të shpallur nga qeveria – për opozitën është një grusht shteti antidemokratik – tashmë po rrezikojnë funksionimin e forcave të armatosura.
Refuzimi për t’u paraqitur në stërvitjen e pilotëve rezervistë në skuadrën 69 – operojnë avionët F-15, më të avancuarit – ndërlikon përgatitjet për një sulm të mundshëm ndaj qendrave bërthamore iraniane, një projekt që kryeministri përsërit se nuk e ka lënë mënjanë kurrë.
Netanjahu e konsideron misionin e jetës së tij politike pengimin e ajatollahëve për t’u armatosur me bombë atomike, burimet thonë se kjo është arsyeja pse ai është i rrënjosur dhe është i bindur se gjyqi për korrupsionin është një montim i drejtësisë për ta hequr atë.
Ai dëshiron të mbetet në pushtet, sepse vetëm ai “mund ta mbrojë Izraelin nga kërcënimi ekzistencial”.
Por pa mbështetjen logjistike të forcave ajrore amerikane, pa mbrojtjen diplomatike dhe ushtarake të garantuar nga Biden, një bombardim i mundshëm konsiderohet i pamundur nga Shtabi i Përgjithshëm. Dhe “Bibi” e di këtë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje