.png)
Gazeta Si – Balona spiune kineze që fluturoi mbi Shtetet e Bashkuara shkurtin e kaluar ishte në gjendje të mblidhte informacione të ndjeshme në lidhje me disa baza ushtarake amerikane, pavarësisht se administrata Joe Biden bëri gjithçka që ishte e mundur për ta parandaluar atë. Lajmi u raportua nga “Nbc News”, i cili citoi dy zyrtarë të lartë amerikanë.
Balona spiune, e kontrolluar nga Pekini, arriti të fluturonte disa herë mbi objekte ushtarake, duke ua transmetuar informacionin e mbledhur autoriteteve kineze në kohë reale.
Ajo kishte hyrë në territorin amerikan nga Alaska më 28 janar dhe po vëzhgohej nga autoritetet.
Disa ditë më vonë, topi gjigant u zhvendos në Montana, në bazën e Forcave Ajrore Malmstrom, ku Shtetet e Bashkuara fshehin disa nga asetet e saj bërthamore.
“Informacioni i mbledhur nga Kina erdhi kryesisht nga sinjalet elektronike, në vend të imazheve”, – shpjegon NBC.
Zyrtarët amerikanë e kishin minimizuar historinë për sigurinë kombëtare. Balona, të cilën Pekini e ka mohuar se ishte spiune e qeverisë, kaloi një javë në qiellin mbi Shtetet e Bashkuara dhe Kanadanë në fillim të shkurtit përpara se të rrëzohej në brigjet e Atlantikut me urdhër të vetë Bidenit.
Incidenti me balonë kineze kishte shtyrë Sekretarin e Shtetit të SHBA-së, Antony Blinken, të shtynte një vizitë të planifikuar në Pekin, duke përkeqësuar më tej marrëdhëniet diplomatike midis Uashingtonit dhe Pekinit, tashmë të tensionuara për çështjen e Tajvanit.
Historia është fryrë deri në atë pikë sa të marrë (sipas fjalëve të disa shkencëtarëve politikë të Uashingtonit), dimensionet e “një Momenti të ri Sputnik”: tronditja e shkaktuar në psikologjinë amerikane, në vitin 1957, nga lëshimi i papritur në orbitë i satelitit të parë nga Bashkimi Sovjetik, “Sputnik”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje