.png)
Nga Gazeta Si- Me afrimin e zgjedhjeve, qeveria ka ‘zgjidhur’ qesen duke shpallur rritjen e pagave. Pas rritjes së pagave për punonjësit e administratës, kryeministri Edi Rama ka premtuar rritje të pagave për mësuesit.
Gjatë një takimi me mësuesit e Tiranës, kryeministri tha se “nëse sot që flasim rritja mujore do të jetë 3500 për mësuesit e shkollave 9-vjeçare, 3843 për mësuesit e shkollave të mesme dhe 5800 për drejtuesit, që të bërtasin më shumë. Tek rritja e përgjithshme, mësuesit në shkollën 9-vjeçare do të kenë një pagë 95 550, ndërsa mësuesit në shkollën e mesme 106 800 lekë”.
Kryeministri shpjegoi se rritja e pagave do të realizohet në dy etapa, ku fillimisht do të bëhet rritja 7% dhe pastaj në hapin tjetër, pra vitin e ardhshëm paga e arsimtarëve do të kapërcejë në një tjetër nivel.
“Kemi bërë një plan me dy hapa i cili do të nisë tani dhe do të përmbyllet në vitin e ardhshëm në mënyrë që të realizojmë këtë rritje. Ju e dini shumë mirë që për mësuesit, ishte parashikuar edhe për mjekët, rritja 7% kështu që do të bëjmë rritjen 7% dhe pastaj në hapin tjetër dhe ky nuk është premtim, por plan financiar, në hapin tjetër pra vitin e ardhshëm, paga juaj do të kapërcejë në një tjetër nivel”, tha Rama.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje