.png)
Rusia dhe SHBA-ja kanë hyrë në një fazë “konflikti të nxehtë”, tha zëvendësministri i Jashtëm rus Sergei Ryabkov për radion Sputnik. “Tani jemi në fazën e një konflikti të nxehtë me Shtetet e Bashkuara. Ne po e shohim këtë shtet duke u përfshirë drejtpërdrejt në një luftë hibride me Rusinë në një sërë fushash. Disa forma të kësaj lufte janë thjesht të paprecedenta – ato thjesht nuk ekzistonin dhe nuk mund të ekzistonin gjatë Luftës së Ftohtë”, denoncoi Ryabkov sipas raporteve të RIA Novosti.
Ndërkohë, Rusia synon të “vazhdojë të punojë për të zbatuar” një plan për të garantuar sigurinë rreth termocentralit bërthamor Zaporizhzhia në Ukrainën jugore. Kështu deklaroi kreu i agjencisë atomike Rosatom, Alexei Likhachev, duke u takuar të mërkurën në Kaliningrad me drejtorin e përgjithshëm të Agjencisë Ndërkombëtare të Energjisë Atomike (IAEA), Rafael Grossi, i cili vizitoi centralin e kontrolluar nga Rusia këtë javë
Ndërkohë, në të njëjtën ditë, nga Kievi vjen zotimi se Krimea do të rimerret brenda 6 muajsh.
“Rusia nuk ka burime të mjaftueshme për të trajtuar situatën në Krime. Ukraina do ta rimarrë gadishullin në një kohë shumë të shkurtër, nga pikëpamja historike është shumë e shkurtër – gjashtë muaj, pesë muaj, shtatë muaj. Ndoshta ky është një optimizëm i tepruar, por është një optimizëm i verifikuar matematikisht. Ura e Kerçit do të shembet pas de-okupimit rus”, tha këshilltari presidencial ukrainas Mykhailo Podolyak në një intervistë për Krym.Realii. Për Podolyak, nëse Moska fillon të tërheqë trupat e saj nga Ukraina, Kievi mund të ulet në tryezën e bisedimeve me Moskën dhe “të diskutojë çështjen e tërheqjes diplomatike të rusëve nga Krimea e pushtuar përkohësisht”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje